କଟକ . – ହକି ବିଶ୍ୱ କପ୍ ଉପଲକ୍ଷେ କଟକର ବାରବାଟୀ ଷ୍ଟାଡିୟମରେ ଆୟୋଜିତ ଉତ୍ସବରେ ବଲିଉଡ୍ ସୁପରଷ୍ଟାର ସଲମାନ୍ ଖାନ୍ ଯୋଗ ଦେଇଥିଲେ । ଏଥିପାଇଁ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା । ବାରବାଟୀ ଷ୍ଟାଡିୟମରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଲମାନ୍ ଖାନ ଓ ଏଆର୍ ରେହମାନଙ୍କୁ ସମ୍ବର୍ଦ୍ଧିତ କରିଥିଲେ ।
ଭାଇଜାନ୍ ବି ମୁଖ୍ୟମନ୍ତ୍ରୀଙ୍କୁ ପ୍ରଶଂସାରେ ପୋତି ପକାଇଥିଲେ । ବିମାନ ବନ୍ଦରଠାରୁ ବାରବାଟୀ ପର୍ଯ୍ୟନ୍ତ ରାସ୍ତାର ଦୁଇ ପାର୍ଶ୍ୱରେ ଲୋକମାନେ ଛିଡା ହୋଇ ତାଙ୍କୁ କିପରି ଅଭିବାଦନ ଜଣାଇ ଥିଲେ ସେ ବିଷୟରେ ବର୍ଣ୍ଣନା କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସରଳ ଜୀବନ ଯାପନର ବେଶ୍ ପ୍ରଶଂସା କରିଥିଲେ । ଏହା ସହ ସେ ଓଡ଼ିଶାର ଐତିହ ଓ ସଂସ୍କୃତିକୁ ପ୍ରଶଂସା କରିଥିଲେ । କଟକର ଭାଇଚାରା ସବୁସ୍ଥାନରେ ଆବଶ୍ୟକ ବୋଲି ସେ କହିଥିଲେ । ‘ଜୟ ଜଗନ୍ନାଥ , ବାଲିଯାତ୍ରା ଚାଲିଛି , ମୁଁ ତୁମକୁ ଭଲ ପାଏ’ ବୋଲି ସେ କହିଥିଲେ ।
