ଭୁବନେଶ୍ୱର . – କଳିଙ୍ଗ ଷ୍ଟାଡିୟମରେ ରଙ୍ଗାରଙ୍ଗ କାର୍ଯ୍ୟକ୍ରମ ସହ ହକି ବିଶ୍ୱ କପ୍ ଆରମ୍ଭ ହୋଇଛି । ପ୍ରଥମେ ଓଲିଉଡ୍ ନାୟକ ସବ୍ୟସାଚୀ ଓ ନାୟିକା ଅର୍ଚିତାଙ୍କ ଉପସ୍ଥାପନାରୁ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା । କଳିଙ୍ଗ ଷ୍ଟାଡିୟମ ଗ୍ୟାଲେରୀ ଦର୍ଶକ ଭରି ହୋଇ ରହିଥିଲେ ।
ବଲିଉଡ୍ ବାଦଶାହା ଶାହାରୁଖ ଖାନଙ୍କର ଧମାକାଦାର ପ୍ରବେଶ ହୋଇଥିଲା । ସେ ଏକ ସୁସଜ୍ଜିତ ଯାନରେ ପଡିଆ ସାରା ବୁଲି ଦର୍ଶକମାନଙ୍କୁ ଅଭିବାଦନ ଜଣାଇଥିଲେ । ପରେ ସେ ହକି ବିଷୟରେ ନିଜର ଅଭିଭାଷଣ ପ୍ରଦାନ କରିଥିଲେ । ଓଡିଆରେ ଭାଷଣ ଆରମ୍ଭ କରିଥିଲେ କିଙ୍ଗ ଖାନ୍ । 
ଓଡିଶା ବାସୀଙ୍କୁ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସେ ହକି ବିଶ୍ୱ କପ୍ ଆୟୋଜନ ପାଇଁ ଧନ୍ୟବାଦ ଦେଇଥିଲେ । ଏହା ସହ ଏଥିରେ ଅଂଶଗ୍ରହଣ କରିଥିବା ସମସ୍ତ ହକି ଖେଳାଳୀଙ୍କୁ ସେ ଭଲ ଖେଳ ପ୍ରଦର୍ଶନ କରିବା ପାଇଁ ପରାମର୍ଶ ଦେଇଥିଲେ । ତାଙ୍କ ପିତା ବି ହକି ଖେଳଳୀ ଥିଲେ । ସେ ବି ହକି ଖେଳକୁ ଭଲ ପାଆନ୍ତି ଓ ତାଙ୍କ ପୁଅକୁ ହକି ଖେଳିବା ପାଇଁ ପରାମର୍ଶ ଦେଇଥିବା କଥା କହିଛନ୍ତି । ହକି ଆମର ଖେଳ ବୋଲି ସେ ନିଜ ଅଭିଭାଷଣରେ ସୂଚନା ଦେଇଛନ୍ତି ।
?️ | More brilliance on the skies above Kalinga Stadium. All this…because our hearts have, will and will keep, beating for hockey.#HWC2018 #Odisha2018 #OdishaHockeyWCInauguration pic.twitter.com/htCKuytwC1
— Hockey World Cup 2018 – Host Partner (@sports_odisha) November 27, 2018
