ଜାତୀୟ ରାଜପଥ ରାସ୍ତା ଖରାପ, ମହିଳାଙ୍କ ରାସ୍ତା ରୋକ

ସିମୁଳିଆ : ଜାତୀୟ ରାଜପଥ ରାସ୍ତା ଖରାପ ହୋଇଥିବା ନେଇ ବାରମ୍ବାର ଅଭିଯୋଗ ହୋଇ ଆସୁଥିଲେ ମଧ୍ୟ ପ୍ରଶାସନିକ ନୀରବ ଦ୍ରଷ୍ଟା ଯୋଗୁଁ ଆଜି ମହିଳା ଗ୍ରୁପର ମହିଳାମାନେ ଜାତୀୟ ରାଜପଥ ଅବରୋଧ କରିଥିଲେ । ପ୍ରଶାସନ ହସ୍ତକ୍ଷେପ ପରେ ଅବରୋଧ ପ୍ରତ୍ୟାହାର କରିଥିଲେ । ସୂଚନାରୁ ପ୍ରକାଶ ବାଲେଶ୍ବର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ଜାମ୍ମୁଝାଡ଼ି ଛକ ନିକଟରେ ଜାତୀୟ ରାଜପଥ ରାସ୍ତା କାର୍ଯ୍ୟ ଅଧାପନ୍ତରିଆ ରହିଛି ।
ଯାହା ଫଳରେ ଦୁର୍ଘଟଣା ଘଟିବା ସହ ଯାତାୟାତରେ ଅସୁବିଧାର ହେଉଥିଲା । ଆଜି ମହିଳା ଗ୍ରୁପର ଅନ୍ନପୂର୍ଣ୍ଣା ପରିଡ଼ାଙ୍କ ନେତୃତ୍ୱରେ ୫୦ରୁ ଉର୍ଦ୍ଧ୍ବ ମହିଳା ୪୫ମିନିଟରୁ ଉର୍ଦ୍ଧ୍ବ ସମୟ ଜାତୀୟ ରାଜପଥ ରାସ୍ତା ଅବରୋଧ କରିଥିଲେ । ଖବର ପାଇ ସିମୁଳିଆ ଥାନା ଅଧିକାରୀ ଶ୍ରବଣ କୁମାର ମହାରଣା, ସ୍ଥାନୀୟ ସରପଞ୍ଚ ସନ୍ତୋଷ କୁମାର ସେଠୀ ପ୍ରମୁଖ ଉପସ୍ଥିତ ରହି ଜାତୀୟ ରାଜପଥ ଉପରିସ୍ଥ ଅଧିକାରୀଙ୍କ ସହ ଆଲୋଚନା କରିଥିଲେ । ଦୁଇରୁ ତିନି ଦିନ ସମୟ ମଧ୍ୟରେ କାର୍ଯ୍ୟ ସାରିବାର ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା ।
Comments are closed.