ଠାକୁରମୁଣ୍ଡା : ମୟୁରଭଞ୍ଜ ଜିଲା ଠାକୁରମୁଣ୍ଡା ଥାନା ଅନ୍ତର୍ଗତ ଖଣ୍ଡବନ୍ଧ ଛକ ନିକଟରେ ଶନିବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଥିବା ଜଣାପଡିଛି। ଏକ ମଟରସାଇକେଲ ଦ୍ରୁତ ଗତିରେ ଆସି ଶାଳ ଗଛକୁ ଧକ୍କା ଦେବା ଫଳରେ ଘଟଣାସ୍ଥଳରେ ହିଁ ବାଇକଆରୋହୀଙ୍କର ମୃତ୍ୟୁ ଘଟିଛି। କେନ୍ଦୁଝର ଜିଲା ପାଟଣା ଥାନା ଅନ୍ତର୍ଗତ ଲୁଙ୍ଗା ଗ୍ରାମର ଜିତେନ୍ ମୁଣ୍ଡା(୨୭) ନାମକ ଜୈନେକ ଯୁବକଙ୍କ ମୃତ୍ୟୁ ହୋଇଥିବା ବେଳେ ଭିକୁ ମୁଣ୍ଡା ଆହତ ହୋଇଛନ୍ତି ।
ସୂଚନା ଅନୁସାରେ, ପଡିଆବେଡା ପଞ୍ଚାୟତର ସୀମଡିହା ଗ୍ରାମରୁ ନିଜର କାର୍ଯ୍ୟସାରି ବାଇକ୍ ଯୋଗେ ନିଜ ଘର ଲୁଙ୍ଗା ଗ୍ରାମକୁ ଦ୍ରୁତ ଗତିରେ ଆସୁଥିବା ବେଳେ ଭାରସାମ୍ୟ ହରାଇ ଏକ ଶାଳଗଛକୁ ଧକ୍କାଦେବା ଫଳରେ ଜିତେନ୍ ମୁଣ୍ଡାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟ ଗ୍ରାମବାସୀ ପ୍ରଥମେ ୧୦୮ଆମ୍ବୁଲାନ୍ସକୁ ଖବର ଦେବା ସହ ଠାକୁରମୁଣ୍ଡା ଥାନାକୁ ମଧ୍ୟ ସୂଚନା ଦେଇଥିଲେ। ଆହତକୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା ତେବେ ଠାକୁରମୁଣ୍ଡା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
Comments are closed.