ନୂଆଦିଲ୍ଲୀ – ୨୦୨୪ରେ ମୋଦୀଙ୍କ ବିରୋଧରେ କଂଗ୍ରେସ ସହ ଅନେକ ବିରୋଧି ଦଳ ଏକାଠି ହୋଇଛନ୍ତି । ଆଇଏନ୍ଡିଆଇଏ ନାମରେ ଏମାନେ ଏକ ମେଣ୍ଟ ତିଆରି କରିଛନ୍ତି । ମାତ୍ର ଏହି ମେଣ୍ଟରେ ପ୍ରଥମରୁ ବିବାଦ ଦେଖାଦେଇଛି ।
୨୦୨୪ ସାଧାରଣ ନିର୍ବାଚନରେ ଆଇଏନ୍ଡିଆଇଏର କଂଗ୍ରେସ ଏବଂ ଆପ୍ ଦିଲ୍ଲୀରେ ୭ଟି ଆସନରେ କିଏ କେତୋଟି ଆସନରେ ପ୍ରତିଦ୍ୱନ୍ଦିତା କରିବ ସେ ନେଇ ଦ୍ୱନ୍ଦ ଦେଖାଦେଇଛି । କଂଗ୍ରେସର ଅନେକ ନେତା କହିଛନ୍ତି ଦିଲ୍ଲୀର ସମସ୍ତ ଆସନରେ ସେମାନଙ୍କ ପ୍ରାର୍ଥୀ ନିର୍ବାଚନ ଲଢିବେ । ଦିଲ୍ଲୀର କଂଗ୍ରେସ ନେତୃତ୍ୱର ଏକ ଗୁରୁତ୍ୱପୂର୍ଣ୍ଣ ବୈଠକ ହୋଇଥିଲା । ଏଥିରେ ପାର୍ଟି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, ରାହୁଲ ଗାନ୍ଧୀ, କେସି ବେଣୁଗୋପାଲ ସାମିଲ୍ ଥିଲେ ।
ଏହି ବୈଠକ ପରେ କିଛି କଂଗ୍ରେସ ନେତା ଦିଲ୍ଲୀର ସମସ୍ତ ଆସନରେ ସେମାନଙ୍କ ପ୍ରାର୍ଥୀ ନିର୍ବାଚନ ଲଢିବେ ବୋଲି କହିଥିଲେ । କଂଗ୍ରେସ ମୁଖପାତ୍ର ଅଳକା ଲାମ୍ବା ଦିଲ୍ଲୀର ସମସ୍ତ ଆସନରେ ଦଳ ପ୍ରାର୍ଥୀ ଦେବ ବୋଲି କହିଛନ୍ତି । ଆପ୍ ସହ ମେଣ୍ଟକୁ ନେଇ କୌଣସି ଆଲୋଚନା ହୋଇ ନଥିବା କଥା ସେ କହିଛନ୍ତି ।
ଏହା ଉପରେ ଆମ୍ ଆଦମୀ ପାର୍ଟି ପକ୍ଷରୁ ବୟାନ ଜାରି କରାଯାଇଛି । ଆମ୍ ଆଦମୀ ପାର୍ଟିର ମନ୍ତ୍ରୀ ଆଇଏନ୍ଡିଆଇଏର ସମସ୍ତ ଦଳ ଏକାଠି ବସି ଆସନ ବୁଝାମଣା କରିବେ ।ସେହି ସମୟରେ କିଏ କେତେ ଆସନରେ ଲଢିବ ତାହା ସ୍ପଷ୍ଟ ହେବ ।
କଂଗ୍ରେସର ଏହି ନିଷ୍ପତ୍ତି ପରେ ଆମ୍ ଆଦମୀ ପାର୍ଟି ଆଇଏନ୍ଡିଆଇଏର ବୈଠକରେ ସାମିଲ ହୋଇ ନପାରେ ବୋଲି ଆଶଙ୍କା ପ୍ରକାଶ ପାଇଛି ।
