ସାନଖେମୁଣ୍ଡି : ଗଞ୍ଜାମ ଜିଲା ସାନଖେମୁଣ୍ଡି ତହସିଲ ଅନ୍ତର୍ଗତ ପୋଡାମାରି ରାଜସ୍ବ କାର୍ଯ୍ୟାଳୟରେ ରାଜସ୍ବ ବିଭାଗ କର୍ମଚାରୀ ଘର ବାରି ପଟ୍ଟା କରିବା ନାଁରେ ପାଞ୍ଚ ହଜାର ଟଙ୍କା ଲାଞ୍ଚ ନେଉଥିବାବେଳେ ମାଡ଼ିବସିଲା ବ୍ରହ୍ମପୁର ଭିଜିଲାନ୍ସ ଟିମ । ଆରଆଇ ଆଦିତ୍ୟ ସେନାପତି ଓ ଏଆରଆଇ ଟୁଟୁ ସେଠୀଙ୍କୁ କାର୍ଯ୍ୟାଳୟରୁ ଭିଜିଲାନ୍ସ ଉଠାଇ ନେଇଥିବା ଜଣାପଡ଼ିଛି । ପୋଡାମାରି ଗ୍ରାମର ମନୋରଞ୍ଜନ ସାହୁ ନିଜର ଘରବାରି ପଟ୍ଟା ଆବେଦନ କରିଥିବାବେଳେ ତାଙ୍କ ଠାରୁ ପାଞ୍ଚ ହଜାର ଟଙ୍କା ଦାବି କରିଥିଲେ। ଏନେଇ ମନୋରଞ୍ଜନ ସାହୁ ଦୁର୍ନୀତି ନିବାରଣ ବିଭାଗର ଆଶ୍ରୟ ନେଇଥିଲେ। ପୂର୍ବ ପ୍ରସ୍ତୁତି ପ୍ରକାରେ ଆଜି ଅପରାହ୍ନ ୫ ଟା ସମୟରେ ନିଜ କାର୍ଯ୍ୟାଳୟରେ ମନୋରଞ୍ଜନଙ୍କଠାରୁ ୫ ହଜାର ନେଉଥିବାବେଳେ ବ୍ରହ୍ମପୁର ଭିଜିଲାନ୍ସ ଟିମ୍ ଚଢାଉ କରି ଆର୍ ଆଇ ଆଦିତ୍ୟ ସେନାପତି ଏବଂ ଏଆରଆଇ ଟୁଟୁ ସେଠୀଙ୍କୁ କାର୍ଯ୍ୟାଳୟରୁ ଉଠାଇ ନେଇ ଅଧିକ ପଚରାଉଚରା ନିମନ୍ତେ ବ୍ରହ୍ମପୁର କାର୍ଯ୍ୟାଳୟକୁ ନେଇଥିବା ଜଣାପଡ଼ିଛି।
Popular Categories
Previous article
Next article