ଦିଲ୍ଲୀର ପ୍ରମୁଖ ପର୍ୟ୍ୟଟନ ସ୍ଥଳ ଭାବେ ‘ଲାଲ କିଲା’ ୨୦୦୭ରେ ବିଶ୍ବ ଐତିହ୍ୟରେ ସ୍ଥାନ ପାଇଥିଲା। ୧୬୩୯ ମେ ୧୨ରେ ମୋଗଲ ବାଦଶାହା ଶାହାଜାହାନ୍ ଏହି କିଲାର ନିର୍ମାଣ କାର୍ୟ୍ୟର ମୂଳଦୁଆ ପକାଇଥିଲେ। ଅଧିକାଂଶ ଲୋକଙ୍କ ଧାରଣା ଯେ ଲାଲ କିଲା ନାମକରଣ ପଛର ରହସ୍ୟ ହେଉଛି କିଲାର ଲାଲ ରଙ୍ଗ। ହେଲେ ଐତିହାସିକ ଏହାକୁ ଭୁଲ୍ ପ୍ରମାଣିତ କରିଛନ୍ତି। ‘ଲାଲ କିଲା’ର ପ୍ରକୃତ ରଙ୍ଗ ଧଳା ଥିଲା। ନିର୍ମାଣ ସମୟରେ ଚୂନପଥରରେ ଏହି କିଲାର କାମ ଆରମ୍ଭ ହୋଇଥିଲା। ତେବେ ଇଂରେଜ ଶାସନ ସମୟରେ କିଲାର ଅନେକାଂଶ ଭାଙ୍ଗିରୁଜି ଗଲା। ଏହାର ମରାମତି କରିବା ସହ କିଲାକୁ ଲାଲ ରଙ୍ଗ ଦେଇଥିଲେ ତତ୍କାଳୀନ ବ୍ରିଟିଶ୍ ସରକାର। ପରେ ଏହି କିଲା ‘ରେଡ୍ ଫୋର୍ଟ’ ଓ ‘ଲାଲ କିଲା’ ନାମରେ ପରିଚିତ ହୋଇଥିଲା। ମୋଗଲ ରାଜପରିବାର ଏହି କିଲାର ନାମକରଣ ‘କିଲା-ଏ-ମୁବାରକ’ ରଖିଥିଲା।
Comments are closed.