ନୂଆଦିଲ୍ଲୀ : ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟ୍ବେଣ୍ଟି-୨୦ ମ୍ୟାଚ୍ ପୂର୍ବରୁ ଟିମ୍ ଇଣ୍ଡିଆକୁ ଏକ ବଡ଼ ଝଟକା ଲାଗିଛି। ଆହତ କାରଣରୁ ଷ୍ଟାର ଅଲରାଉଣ୍ଡର ରବୀନ୍ଦ୍ର ଜାଡେଜା ସମସ୍ତ ଟ୍ବେଣ୍ଟି-୨୦ ସିରିଜରୁ ବାଦ୍ ପଡ଼ିଛନ୍ତି। ଶୁକ୍ରବାର ବିଳମ୍ବିତ ରାତିରେ ବିସିସିଆଇ ପକ୍ଷରୁ ଏନେଇ ସୂଚନା ଦିଆଯାଇଛି। ଜାଡେଜାଙ୍କ ସ୍ଥାନରେ ଶାର୍ଦ୍ଦୁଲ ଠାକୁରଙ୍କୁ ଦଳରେ ସାମିଲ କରାଯାଇଥିବା ଜଣାପଡ଼ିଛି।
ଗତକାଲି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ପ୍ରଥମ ଟ୍ବେଣ୍ଟି-୨୦ ମ୍ୟାଚର ଫାଇନାଲ ଓଭରରେ ଅଷ୍ଟ୍ରେଲିଆର ଦ୍ରୁତ ବୋଲର ମିଚେଲ ଷ୍ଟାର୍କଙ୍କ ବଲ ରବୀନ୍ଦ୍ର ଜାଡେଜାଙ୍କ ହେଲମେଟରେ ଯାଇ ବାଜିଥିଲା। ବଲ୍ ହେଲମେଟରେ ବାଜିବା ପରେ ଇନିଂସ ଶେଷ ହେବା ମାତ୍ରେ ବିସିସିଆଇର ଡାକ୍ତରୀ ଦଳ ତାଙ୍କୁ ଚେକଅପ୍ ପାଇଁ ରଖିଥିଲେ। ଜାଡେଜାଙ୍କ ସ୍ଥାନରେ ୟୁଜବେନ୍ଦ୍ର ଚହଲଙ୍କୁ ଖେଳାଯାଇଥିଲା।
ସୂଚନା ଅନୁସାରେ, ହେଲମେଟ୍ରେ ବଲ୍ ମାଡ ହେବାରୁ ତାଙ୍କ ଜାଡେଜାଙ୍କ ମୁଣ୍ଡ ବୁଲାଇଥିଲା ଏବଂ ଆଇସିସିର ଖେଳାଳି ବଦଳ (କନ୍କୁସନ୍) ନିୟମ ଅନୁଯାୟୀ ଜାଡେଜାଙ୍କ ସ୍ଥାନରେ ଚହଲ୍ଙ୍କୁ ଦଳରେ ସାମିଲ କରାଯାଇଥିଲା। ଏହି କନ୍କୁସନ୍ ନିୟମ ଭାରତ ପାଇଁ ଲାଭପ୍ରଦ ହୋଇଥିଲା।
Comments are closed.