ରଣପୁରଗଡ: ନୟାଗଡ଼ ଜିଲ୍ଲା ରଣପୁର ତହସିଲ ରାଇପଡା ଓ ଚାନ୍ଦପୁର ରାଜସ୍ୱ ମଣ୍ଡଳ ଅଞ୍ଚଳରେ ମାଙ୍କଡା ପଥର ମାଫିଆଙ୍କ ପ୍ରାଦୁର୍ଭାବ ଦିନକୁ ଦିନ ବଢିବାରେ ଲାଗିଛି। ସବୁଜ ନ୍ୟାୟ ପ୍ରାଧିକରଣ ହସ୍ତକ୍ଷେପ ପରେ କିଛି ଦିନ ଖଣି ଖନନ ବନ୍ଦ ଥିଲା। ଏବେ ମାଫିଆଙ୍କ ଟାର୍ଗେଟରେ ଗୋଚର ଜମି ଉପରେ। ରାଜସ୍ୱ ଅଧିକାରୀଙ୍କୁ ଭୟ ଦେଖାଇ ଦିନ ଦ୍ୱିପ୍ରହରରେ ମାଙ୍କଡା ପଥର କାଟି ଚାଲିଛନ୍ତି। ଫଳରେ ସରକାର ଲକ୍ଷ ଲକ୍ଷ ଟଙ୍କା ରାଜସ୍ୱ ହରାଉଛନ୍ତି। ୩୦ ଜୁଲାଇ ମଧ୍ୟାନ୍ନ ରେ ବେଣ୍ଟ ମୌଜା ଗୋଚର ଯାଗାରେ ମାଙ୍କଡା ପଥର କଟାଯାଉଥିବା ରଣପୁର ତହସିଲଦାର ଡ. ଆର୍ଯ୍ୟ କୁମାର ସର୍ବଦମନ ଖବର ପାଇଥିଲେ। ତୁରନ୍ତ ଚାନ୍ଦପୁର ରାଜସ୍ୱ ଅଧିକାରୀ ବିରୁପାକ୍ଷ ବିଶ୍ୱାଳ, ରାଜସ୍ବ ସୁପରଭାଇଜର ଶିବ ପ୍ରଧାନ, ଚାନ୍ଦପୁର ଥାନା ଉପ ନିରୀକ୍ଷକ ସଞ୍ଜୟ କୁମାର ପରିଡାଙ୍କୁ ସଙ୍ଗରେ ଧରି ଚୋରା ଖଣିକୁ ଯାଇ ଗୋଟିଏ ପଥରକଟା ମେସିନ ଜବତ କରିଥିବା ଜଣାପଡିଛି। ମାଫିଆମାନେ ଚାପ ପକାଇ ଫାଇନ ଦେଇ ପଥର କଟା ମେସିନ ନେଇ ପୁଣି ପଥର କାଟିବା ପାଇଁ ଚକ୍ରାନ୍ତ କରୁଥିବା ଅଭିଯୋଗ ହେଉଛି।
Popular Categories
Previous article
Next article