ପଞ୍ଚଭୂତରେ ଲୀନ ହେଲେ ରାଜୁ ଶ୍ରୀବାସ୍ତବ

ନୂଆଦିଲ୍ଲୀ: ପଞ୍ଚଭୂତରେ ଲୀନ ହେଲେ ହାସ୍ୟାଭିନେତା ରାଜୁ ଶ୍ରୀବାସ୍ତବ। ସମସ୍ତଙ୍କୁ ହସାଉଥିବା ରାଜୁ ଶ୍ରୀବାସ୍ତବ ସବୁଦିନ ପାଇଁ ନୀରବି ଯାଇଛନ୍ତି। ଗୁରୁବାର ଦିଲ୍ଲୀର ନିଗମବୋଧ ଘାଟରେ ରାଜୁ ଶ୍ରୀବାସ୍ତବଙ୍କ ଅନ୍ତିମ ସଂସ୍କାର ଶେଷ ହୋଇଛି। ତାଙ୍କ ପରିବାର, ବନ୍ଧୁ ଏବଂ ପ୍ରଶଂସକମାନେ ରାଜୁଙ୍କୁ ଅଶ୍ରୁଳ ବିଦାୟ ଦେଇଛନ୍ତି। କିଛି ଲୋକ ଭାବପ୍ରବଣ ହୃଦୟ ସହ ରାଜୁ ଅମର ରହେ.. ସ୍ଲୋଗାନ ମଧ୍ୟ ଦେଇଥିଲେ।

ରାଜୁ ଶ୍ରୀବାସ୍ତବଙ୍କୁ ଅନ୍ତିମ ବିଦାୟ ଦେବା ପାଇଁ ଉତ୍ତରପ୍ରଦେଶର ପର୍ଯ୍ୟଟନ ମନ୍ତ୍ରୀ, ସୁନୀଲ ପାଲ, ମଧୁର ଭଣ୍ଡାରକର, ଏହସାନ କୁରେଶୀ ପ୍ରମୁଖ ଶ୍ମଶାନରେ ପହଞ୍ଚିଥିଲେ। ସମସ୍ତେ ତାଙ୍କୁ ଭିଜା ଆଖିରେ ବିଦାୟ ଦେଇଛନ୍ତି।

ଶ୍ରଦ୍ଧାଞ୍ଜଳି ଦେଲେ ସୁଦର୍ଶନ ପଟ୍ଟନାୟକ:

ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ରାଜୁ ଶ୍ରୀବାସ୍ତବଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି ଦେଇଛନ୍ତି। ସାମାଜିକ ଗଣମାଧ୍ୟମରେ ଭିଡିଓ ଶେୟାର କରି ସେ ଲେଖିଛନ୍ତି, ହସାଇ ହସାଇ କନ୍ଦାଇ ଦେଲ..।

Hasate Hasate Rula Diya…….. #RajuSrivastav #OmShanti🙏 pic.twitter.com/8EDQYdio9g

— Sudarsan Pattnaik (@sudarsansand) September 22, 2022