ରାଇକିଆ: ଅର୍ଥ ଅଭାବରୁ ଘରେ ପଡ଼ି ରହିଛନ୍ତି ରୋଗଗ୍ରସ୍ତ ମହିଳା। ଏମିତି ଏକ ଦୁଃଖଦ ଘଟଣା ନଜରକୁ ଆସିଛି ରାଇକିଆ ବ୍ଲକ୍ ଅନ୍ତର୍ଗତ କିଲାକିଆ ଗ୍ରାମରେ। ରୋଗଗ୍ରନ୍ତ ମହିଳା ଜଣକ ହେଉଛନ୍ତି ଦିଲିପ ପରିଛା(୪୫)ଙ୍କ ପତ୍ନୀ ରାମେସୀ ସୋରେନ୍(୩୦)। ପରିବାର ସଦସ୍ୟ ପୁଅ, ବୋହୂ, ନାତି ନାତୁଣୀ ମିଶି ୮ଜଣ। ବୃତ୍ତିରେ ଦିନ ମଜୁରିଆ ଗରୀବ ଶ୍ରେଣୀର ପରିବାର। ସେପ୍ଟେମ୍ବର ପ୍ରଥମ ସପ୍ତାହରୁ ପେଟ, ଗୋଡ଼ ଫୁଲିବା ଦେଖା ଦେଇଥିଲା। ଏହା ଦେଖି ଚିକିତ୍ସା ପାଇଁ ପ୍ରଥମେ ରାଇକିଆ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଏବଂ ପରେ କିଛି ଅର୍ଥ ଯୋଗାଡ଼ କରି ଭୁବନେଶ୍ୱର ଓ କଟକ ଯାଇ ପରୀକ୍ଷା ଓ ଚିକିତ୍ସା କରିଥିଲେ। ସ୍ବାସ୍ଥ୍ୟ ପରୀକ୍ଷାରେ ତାଙ୍କୁ ଯକୃତ ରୋଗ ହୋଇଥିବା ଜଣାପଡ଼ିଛି। ଡାକ୍ତରଙ୍କ ପରାମର୍ଶ ମୁମ୍ବାଇ ଯାଇ ଚିକିତ୍ସା କରିବା ପାଇଁ। କିନ୍ତୁ ଅର୍ଥ ଅଭାବରୁ ସେ ଯାଇ ନ ପାରି ଘରେ ପଡ଼ି ରହିଛନ୍ତି। ସୂଚନାଯୋଗ୍ୟ, ତାଙ୍କର କୌଣସି ସ୍ବାସ୍ଥ୍ୟକାର୍ଡ ନାହିଁ। ଭାଗ୍ୟକୁ ଆଦରି ଘରେ ପଡ଼ି ରହିଛନ୍ତି ରାମେସୀ। ସରକାର କିମ୍ବା ବେସରକାରୀ ଅନୁଷ୍ଠାନଠାରୁ କୌଣସି ସାହାଯ୍ୟ ସହଯୋଗ ମିଳିନାହିଁ। ପରିବାର ପକ୍ଷରୁ ନିବେଦନ ସରକାର ତାଙ୍କୁ ସାହାଯ୍ୟ କରନ୍ତୁ।
Comments are closed.