ଭୁବନେଶ୍ୱର – ଡାକ୍ତରଙ୍କ ଘରେ ଦୁର୍ନୀତି ନିବାରଣ ବିଭାଗ ପକ୍ଷରୁ ଚଢଉ କରାଯାଇଛି । ତାଙ୍କ ଘରୁ କୋଟିଏ ଟଙ୍କା ଜବତ କରିଛି ଭିଜିଲାନ୍ସ ବିଭାଗ । ପୁରୀ ଜିଲ୍ଲା କଣାସ ଚାରିଛକରେ ଥିବା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ପ୍ରସୂତୀ ଏବଂ ସ୍ତ୍ରୀ ରୋଗ ବିଶେଷଜ୍ଞ ସୁକାନ୍ତ କୁମାର ଜେନା ଦୁର୍ନୀତି ନିବାରଣ ବିଭାଗ ହାତରେ ଧରା ପଡିଛନ୍ତି । ଜଣଙ୍କର ପ୍ରସବ କରାଇବା ପାଇଁ ଡାକ୍ତର ୮ ହଜାର ଟଙ୍କା ମାଗିଥିଲେ । ପୂର୍ବରୁ ୩ ହଜାର ଟଙ୍କା ନେଇଥିଲେ । ଅସ୍ତ୍ରୋପଚାର ପରେ ୫ ହଜାର ଟଙ୍କା ନେବେ ବୋଲି କହିଥିଲେ ।
ଅଭିଯୋଗ ପରେ ଦୁର୍ନୀତି ନିବାରଣ ବିଭାଗର ଅଧିକାରୀମାନେ ଡାକ୍ତରଙ୍କ ଭୁବନେଶ୍ୱର ପଟିଆରେ ଥିବା ବାସଭବନରେ ଚଢଉ କରିଥିଲେ । ସେଠାରୁ କୋଟିଏ ଟଙ୍କା ନଗଦ ଜବତ କରାଯାଇଛି । ଜବତ ହୋଇଥିବା ଟଙ୍କାର ମୂଲ୍ୟ ଏକ କୋଟି ୧୨ ଲକ୍ଷ ଟଙ୍କା । ଟଙ୍କା ଗଣିବା ପାଇଁ ମେସିନ୍ ବ୍ୟବହାର କରାଯାଉଛି । ଚଢଉ ଜାରି ରହିଛି ।
Comments are closed.