ପୁରୀ: ଆଜି ଶ୍ରାବଣ ମାସର ପ୍ରଥମ ସୋମବାର । ତେଣୁ ସକାଳୁ ସକାଳୁ ସମସ୍ତ ଶିବ ମନ୍ଦିର ଗୁଡିକରେ ଭକ୍ତ ମାନଙ୍କର ପ୍ରବଳ ଭିଡ ଜମିଥିବା ଦେଖିବାକୁ ମିଳିଛି। ଏହି ଅବସରରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲିରେ ଦେବ ଦେବ ମହାଦେବଙ୍କ ପ୍ରତିମୂର୍ତ୍ତି ନିର୍ମାଣ କରିଛନ୍ତି। ମହାଦେବଙ୍କ ମସ୍ତକରେ ଚନ୍ଦ୍ରମା ଶୋଭା ପାଉଥିବାବେଳେ ମସ୍ତକରୁ ଗଙ୍ଗା ବୋହୁଛନ୍ତି। ପ୍ରଭୁଙ୍କ ଡାହାଣ ପାର୍ଶ୍ବରେ ଏକ ଶିବ ଲିଙ୍ଗ ରହିଥିବାବେଳେ ବାମ ପାର୍ଶ୍ବ ରେ ଏକ ହଳଦିଆ ରଙ୍ଗର ସର୍ପ ରହିଛି। ଏହି ସୁନ୍ଦର ବାଲୁକା କଳା ସହିତ ଓମ୍ ନମଃ ଶିବାୟ, ମହାଦେବ ଆମକୁ ଶକ୍ତି , ଶାନ୍ତି ଏବଂ ଭକ୍ତି ସହ ଆର୍ଶିବାଦ କରନ୍ତୁ ବୋଲି ସେ ଲେଖିଛନ୍ତି ।
Popular Categories
Previous article
Next article