ପୁରୀ: ପ୍ରଫୁଲ ସହାୟ ଯୋଜନାରେ ପୁରୀ ପୌରାଞ୍ଚଳର ତିନିଗୋଟି କୁଷ୍ଠ ରୋଗମୁକ୍ତ ପରିବାରଙ୍କୁ ୫୦,୦୦୦ ଟଙ୍କା ଲେଖାଏଁ ସହାୟତ ରାଶି ଯୋଗାଇ ଦିଆ ଯାଇଛି। ଏହି ଅର୍ଥ ସେମାନଙ୍କ ପରିବାର ଝିଅ ବିବାହ କାର୍ଯ୍ୟରେ ଲଗାଇବା ପାଇଁ ଅନୁଦାନ ଆକାରରେ ଦିଆଯାଇଛି। ଜିଲା ପ୍ରଶାସନ ତରଫରୁ ପୁରୀ ଅତିରିକ୍ତ ଜିଲାପାଳ ପ୍ରଦୀପ୍ତ କୁମାର ସାହୁ ଏହି ପ୍ରୋତ୍ସାହନ ରାଶି ପୁରୀ ପୌରାଞ୍ଚଳ ଜିବରାମ ପଲ୍ଲୀର ଯମୁନା ମିଶ୍ର,ପ୍ରମିଳା ସାହୁ ଓ କବିରାଜ ମହାକୁଡ଼ଙ୍କୁ ପ୍ରଦାନ କରିଛନ୍ତି।
ସୂଚନା ଯୋଗ୍ୟ ଯେ, କୁଷ୍ଠ ରୋଗରେ ଆକ୍ରାନ୍ତ ପରିବାର କୁଷ୍ଠ ମୁକ୍ତ ହେବା ପରେ ନିଜ ପରିବାରରେ ଥିବା ଝିଅ ବିବାହ କରିବା ପାଇଁ ଏହି ପ୍ରୋତ୍ସାହନ ରାଶି ପ୍ରଦାନ କରାଯାଉଛି। ଯଦି କୌଣସି କୁଷ୍ଠ ରୋଗମୁକ୍ତ ପରିବାରରେ ବିବାହ ଯୋଗ୍ୟ ଝିଅ ରହି ଥାଏ ତେବେ ଏବଂ ସେମାନେ ଏହି ପ୍ରୋତ୍ସାହନ ରାଶି ପାଇବାକୁ ଚାହୁଁଥାନ୍ତି ତେବେ ସେମାନେ ସିଧାସଳଖ ଜିଲ୍ଲା ସମାଜ ସୁରକ୍ଷା ଅଧିକାରୀଙ୍କ କାର୍ଯ୍ୟାଳୟ ରେ ଯୋଗାଯୋଗ କରିପାରିବେ ବୋଲି ଡି. ଏସ. ଏସ .ଓ ତ୍ରିନାଥ ପାଢ଼ୀ ଜଣାଇଛନ୍ତି ।
