ଭୁବନେଶ୍ୱର : ଆସନ୍ତା ୨୬ ତାରିଖ ମଧ୍ୟାହ୍ନରେ ପାରାଦୀପ ଓ ସାଗର ଦ୍ୱୀପ ମଧ୍ୟରେ ବାତ୍ୟା ୟାସ ସ୍ଥଳଭାଗ ସ୍ପର୍ଶ କରିବ। ବିଶେଷ କରି କେନ୍ଦ୍ରାପଡା, ଜଗତସିଂହପୁର, ଭଦ୍ରକ, ବାଲେଶ୍ୱର ଓ ମୟୁରଭଞ୍ଜ ଜିଲାରେ ଏହାର ପ୍ରଭାବ ଅଧିକ ରହିବ। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ପ୍ରସ୍ତୁତି ଆରମ୍ଭ କରିଛନ୍ତି। ୫ ଜିଲାରେ ବାତ୍ୟା ମୁକାବିଲା, ବାତ୍ୟା ପୂର୍ବରୁ ପ୍ରସ୍ତୁତି ଓ ରିଲିଫ ତଦାରଖ ପାଇଁ ୫ ଜଣ ବରିଷ୍ଠ ଆଇଏଏସ ଅଧିକାରୀଙ୍କୁ ଦାୟିତ୍ୱ ଦେଇଛନ୍ତି। ସେହିପରି ଜିଲା ପୁଲିସକୁ ପରାମର୍ଶ ଓ ମାର୍ଗଦର୍ଶନ ପାଇଁ ୫ ବରିଷ୍ଠ ଆଇପିଏସଙ୍କୁ ଦାୟିତ୍ୱ ଦିଆଯାଇଛି।
କେନ୍ଦ୍ରାପଡା ପାଇଁ ହେମନ୍ତ ଶର୍ମା, ଜଗତସିଂହପୁର ପାଇଁ ଶାଶ୍ୱତ ମିଶ୍ର, ଭଦ୍ରକ ପାଇଁ ଭିଭି ଯାଦବ ,ବାଲେଶ୍ୱର ପାଇଁ ବିଶାଲ୍ ଦେବ, ମୟୁରଭଞ୍ଜ ପାଇଁ ସୁରେଶ ବଶିଷ୍ଠଙ୍କୁ ଦାୟିତ୍ୱ ମିଳିଛି।
ସେହିପରି କେନ୍ଦ୍ରାପଡା ଜିଲା ପୁଲିସକୁ ପରାମର୍ଶ ଓ ମାର୍ଗଦର୍ଶନ କରିବା ପାଇଁ ଆଇପିଏସ ଜୟନାରାୟଣ ପଙ୍କଜ, ଜଗତସିଂହପୁର ପାଇଁ ଅମିତାଭ ଠାକୁର,ଭଦ୍ରକ ପାଇଁ ଅମିତେନ୍ଦ୍ର ନାଥ ସିହ୍ନା, ବାଲେଶ୍ୱର ପାଇଁ ଦୀପ୍ତେଶ ପଟ୍ଟନାୟକ ଓ ମୟୁରଭଞ୍ଜ ପାଇଁ ଆଇପିଏସ ଅନିରୁଦ୍ଧ କୁମାର ସିଂହଙ୍କୁ ଦାୟିତ୍ୱ ଦିଆଯାଇଛି।
ସେହିପରି ଅନ୍ୟପକ୍ଷରେ ଆଜି ଅପରାହ୍ନ ୪ଟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ସମ୍ବୋଧିତ କରିବେ। କରୋନା ସମୟରେ କିଭଳି ବାତ୍ୟା ମୁକାବିଲା କରାଯିବ , ଲୋକମାନେ କିଭଳି ସୁରକ୍ଷିତ ରହିବେ ସେ ବିଷୟରେ ମୁଖ୍ୟମନ୍ତ୍ରୀ ଆଲୋଚନା କରିବେ ବୋଲି ସୂଚନା ମିଳିଛି। ଏହାସହ ବାତ୍ୟାର ମୁକାବିଲା ପାଇଁ ୫୨ଟି ଏନଡିଆରଏଫ ଟିମ କାର୍ଯ୍ୟ କରିବେ।
ବାତ୍ୟା ୟାସ ମୁକାବିଲା ; ବରିଷ୍ଠ ଆଇପିଏସ , ଆଇଏଏସଙ୍କୁ ୫ ଜିଲାର ଦାୟିତ୍ୱ
Popular Categories
Previous article
Next article