ହାଇଦ୍ରାବାଦ – ଦକ୍ଷିଣ ଭାରତ ସହ ମଧ୍ୟ ଭାରତ ଓ ଓଡିଶାରେ ଗ୍ରୀଷ୍ମ ପ୍ରବାହ ଲାଗି ରହିଛି । ଅସହ୍ୟ ଗରମ ଓ ଗୁଳି ଗୁଳି ଯୋଗୁଁ ସାଧାରଣ ମଣିଷ କଷ୍ଟ ପାଉଛନ୍ତି । ଦେଶର ଅନେକ ସ୍ଥାନରେ ଜଳାଭାବ ଦେଖା ଦେଇଛି । ଗ୍ରୀଷ୍ମରୁ ନିସ୍ତାର ମିଳୁ ନ ଥିବା ବେଳେ କେତକ ସ୍ଥାନରେ ପ୍ରାକ ମୌସୁମୀ ବର୍ଷା ଯୋଗୁଁ ତାତିରୁ ସାମାନ୍ୟ ଆଶ୍ୱସ୍ତି ମିଳିଛି ।
ପାଣିପାଗ ସୂଚନାପ୍ରଦାନକାରୀ ସଂସ୍ଥା ସ୍କାଏମେଟ୍ ଅନୁସାରେ ଦକ୍ଷିଣ ଭାରତର ଅନେକାଶଂରେ ପ୍ରାକ ମୌସୁମୀ ବର୍ଷା ହେବାର ସମ୍ଭାବନା ରହିଛି । ଆନ୍ଧ୍ର ପ୍ରଦେଶ ଓ ରୟାଲ ସୀମାରେ ଯଥାକ୍ରମେ ୩୧ ପ୍ରତିଶତ ଓ ୪୫ ପ୍ରତିଶତ କମ୍ ବର୍ଷା ହୋଇଛି । ଆନ୍ଧ୍ର ଉପକୂଳବର୍ତ୍ତୀ ଅଞ୍ଚଳରେ ପ୍ରାକ ମୌସୁମୀ ବର୍ଷା ହେବବୋଲି ସ୍କାଏମେଟ୍ ପୂର୍ବାନୁମାନ କରିଛି । ଏହା ପ୍ରଭାବରେ ଆନ୍ଧ୍ର ଓ ରୟାଲସୀମା ଅଞ୍ଚଳରେ ତାତିରୁ ସାମାନ୍ୟ ଆଶ୍ୱସ୍ତି ମିଳିବ ।
ପାଣିପାଗ ବିଜ୍ଞାନୀଙ୍କ ଅନୁସାରେ ଫନି ବାତ୍ୟା ପରେ ମେ ୬ ତାରିଖରୁ ଗ୍ରୀଷ୍ମ ପ୍ରବାହ ରୁ ଅତି ଗ୍ରୀଷ୍ମ ପ୍ରବାହର ସ୍ଥିତି ଉପୁଜିଛି । ବିଭିନ୍ନ ସ୍ଥାନରେ ଲୁ ବହୁଛି । ମାତ୍ର ପ୍ରାକ ମୌସୁମୀ ବର୍ଷା ଓ ବଙ୍ଗୋପସାଗରର ଦକ୍ଷିଣ ଦକ୍ଷିଣ ପୂର୍ବ ଦିଗରୁ ବାୟୁ ଚଳା ଚଳ କରିବ , ଏହାର ପ୍ରଭାବରେ ତାପମାତ୍ର ୩ରୁ ୪ଡିଗ୍ରୀ କମିବ ।
ବିହାରଠାରୁ ତାମିଲନାଡୁ ପର୍ଯ୍ୟନ୍ତ ଏକ ଟ୍ରାଫ ଲାଇନ ରହିଛି । ଏହା ଆନ୍ଧ୍ର ପ୍ରଦେଶ ଓ ତେଲେଙ୍ଗାନା ଉପର ଦେଇଯାଇଛି । ଆସନ୍ତା ୨ ଦିନ ମଧ୍ୟରେ ପ୍ରାକ ମୌସୁମୀ ବର୍ଷାର ସମ୍ଭାବନା ରହିଛି ।
କେରଳ ଓ ତାମିଲନାଡୁରେ ମଧ୍ୟ ପ୍ରାକ ମୌସୁମୀ ବର୍ଷାର ସମ୍ଭାବନା ରହିଛି । କେରଳର ଅଭ୍ୟନ୍ତରୀଣ ଅଞ୍ଚଳରେ ଏକ ସାଇକ୍ଲୋନିକ ସର୍କୁଲାର ସ୍ଥିତି ଯୋଗୁଁ ବର୍ଷା ହୋଇପାରେ ।
ଦକ୍ଷିଣ ଭାରତରେ ପ୍ରାକ ମୌସୁମୀ ବର୍ଷା ହେବ । ଏଥିଯୋଗୁଁ ଦେଖାଦେଇଥିବା ଜଳାଭାବ ଦୂର ହେବ ନାହିଁ ବୋଲି ପୂର୍ବାନୁମାନ କରାଯାଇଛି ।
Comments are closed.