ନୂଆଦିଲ୍ଲୀ : ଗାଜିଆବାଦର ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଜଣେ ପୁଲିସ ଅଧିକାରୀ ବିନା ହେଲମେଟରେ ବାଇକ୍ ଉପରେ ବସିଥିବା ନଜର ଆସୁଛନ୍ତି । କୁହାଯାଉଛି କି ଗାଜିଆବାଦର ଲୋନି ଅଞ୍ଚଳରେ ଏକ ବାଇକର ୨୩ ହଜାର ଟଙ୍କା ଚାଲାଣ କଟାଯାଇଥିଲା ଯାହାକୁ ନେଇ ବିବାଦ ହୋଇଥିଲା । ଚାଲାଣ କଟାଯାଇଥିବା ଯୁବକଙ୍କ କହିବାନୁସାରେ ଯେତେବେଳେ ପୁଲିସ ବାବୁ ବିନା ହେଲମେଟରେ ଯାତ୍ରା କରୁଛନ୍ତି ତାଙ୍କର ମଧ୍ୟ ଚାଲାଣ କଟାଯିବା ଉଚିତ୍ । ଭିଡିଓରେ ଯୁବକ ଜଣକ ପୁଲିସ ବାବୁଙ୍କ ଯୁକ୍ତି କରୁଥିବା ନଜର ଆସୁଛି । ଯୁବକ ଜଣକ ଏହି ଭିଡିଓକୁ ସାମାଜିକ ଗଣମାଧ୍ୟମ ପ୍ଲାଟଫର୍ମ ଏକ୍ସରେ ମଧ୍ୟ ସେୟାର କରିଛନ୍ତି । ସେ ନିଜ ପୋଷ୍ଟରେ ପୁଲିସ କମିଶନରଙ୍କୁ ଟ୍ୟାଗ୍ କରି ସେହି ଅଧିକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
गाजियाबाद में लोगों ने दरोगा जी को धर लिया
दरोगा जी ने हेलमेट नहीं लगा रखा था, इसके अलावा एक महिला दरोगा को पीछे बैठा रखा हैं.
लोक कहने लगे- अपना भी चालान काटो, सारे नियम आम लोगों के लिए हैं. pic.twitter.com/io7JIp8dwz
— Priya singh (@priyarajputlive) July 4, 2024
ଘଟଣାଟି ଗୁରୁବାରର । ଲୋନି ଅଞ୍ଚଳର ଇନ୍ଦପୁରୀ ନିକଟରେ ଜଣେ ବାଇକ ଚାଳକଙ୍କ ୨୩ ହଜାର ଟଙ୍କାର ଚାଲାଣ କଟାଯାଇଥିଲା । ଏହା ପରେ ସେ ହଙ୍ଗାମା କରିଦେଲେ । ଆଇନ ସମସ୍ତଙ୍କ ପାଇଁ ସମାନ ହେବା ଉଚିତ୍ ବୋଲି କହି ସେ ଭିଡିଓ କରିଦେଲେ । ଦୁର୍ଭାଗ୍ୟବଶତଃ ପୁଲିସବାବୁ ଜଣକ ମଧ୍ୟ ହେଲମେଟ୍ ପିନ୍ଧିନଥିଲେ । ତାଙ୍କର ମଧ୍ୟ ଚାଲାଣ କଟାଯିବା ଉଚିତ୍ ବୋଲି କହି ସେ ଭିଡିଓ କଲେ । ଏବେ ସେହି ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଭିଡିଓରେ ପୁଲିସ ବାବୁ ଜଣକ କହୁଛନ୍ତି କି ‘ଯାହା କରୁଛ କର ।’ ଭିଡିଓ ଦେଖି ଉପଭୋକ୍ତା ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି ।
