ସାହାରାନପୁର : ଉତ୍ତରପ୍ରଦେଶ ସାହାରାନପୁର ପୁଲିସ୍ ସୋମବାର ୫ ସନ୍ଦିଗ୍ଧ ବାଂଲାଦେଶୀ ଯୁବକଙ୍କୁ ଗିରଫ କରିଛି। ସେମାନଙ୍କୁ ପଚରାଉଚୁରା କରାଯାଉଛି। କୁହାଯାଉଛି ଯେ ୫ ସନ୍ଦିଗ୍ଧ ବାଂଲାଦେଶୀ ଯୁବକ ସାହାରାନପୁରର ଦେଓବନ୍ଦ ଅଞ୍ଚଳରେ ବେଆଇନ ଭାବେ ରହି ଟୋପି ବେପାର କରୁଥିଲେ। ଗିରଫ ଯୁବକଙ୍କ ନାମ ରଫିକଉଲ ଇସଲାମ, ଅହମଦ ଓରଫ ଅବଦୁଲ୍ଲା, ମୁନୀର ଉଜମାନ, ଇସ୍ଲାମ ଏବଂ ହେମ୍ମଦ ମିନହାଲ। ପୁଲିସ୍ ପକ୍ଷରୁ କୁହାଯାଇଛି ଯୁବକଙ୍କ ଗତିବିଧି ସନ୍ଦେହଜନକ ଥିଲା। ଏନେଇ ସୂଚନା ମିଳିବା ପରେ ସେମାନଙ୍କୁ ଗିରଫ କରାଯାଇଛି ଓ ପଚରାଉଚୁରା କରାଯାଉଛି।
