ସମାଜ ଡିଜିଟାଲ ଡେସ୍କ: ବାରବାଟୀ ଦିନିକିଆ ମ୍ୟାଚ ପାଇଁ ଭାରତୀୟ ଦଳ ଏବଂ ଇଂଲଣ୍ଡ ଟିମର ଖେଳାଳିମାନେ ଶୁକ୍ରବାର ଭୁବନେଶ୍ଵରରେ ପହଞ୍ଚିଛନ୍ତି। ସନ୍ଧ୍ୟା ପ୍ରାୟ ୭ଟା ୪୦ରେ ଦୁଇ ଦଳର ଖେଳାଳିମାନେ ଭୁବନେଶ୍ଵର ବିମାନବନ୍ଦରରେ ପହଞ୍ଚିଥିଲେ। ସେଠାରୁ ସ୍ଵତନ୍ତ୍ର ବସ ଯୋଗେ ଖେଳାଳିମାନଙ୍କୁ କଡ଼ା ସୁରକ୍ଷା ବଳୟ ମଧ୍ୟରେ ମେ ଫେୟାର ହୋଟେଲକୁ ନିଆଯାଇଥିଲା। ହୋଟେଲରେ ପହଞ୍ଚିବା ପରେ ସେମାନଙ୍କୁ ପାରମ୍ପରିକ ନୃତ୍ୟରେ ସ୍ଵାଗତ କରାଯାଇଥିଲା। ଖେଳାଳିମାନେ ହୋଟେଲରେ ରାତ୍ରିଯାପନ କରିବେ। ଶନିବାର ପର୍ଯ୍ୟାୟକ୍ରମେ ସେମାନେ କଟକ ବାରବାଟୀ ପଡ଼ିଆକୁ ଅଭ୍ୟାସ କରିବାକୁ ଯିବେ। ଯିବା ଆସିବା ସମୟରେ ଭୁବନେଶ୍ଵର କଟକ ରାସ୍ତାରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଏହା ସହିତ ଟ୍ରାଫିକ କଟକଣା ମଧ୍ୟ ଲାଗୁ କରାଯାଇଥିବା ସୂଚନା ମିଳିଛି।
Popular Categories
Previous article
Next article