ପିପିଲି:ପିପିଲି ଥାନା ଅନ୍ତର୍ଗତ କୌଶଲ୍ୟାଗଙ୍ଗ ଫାଣ୍ଡି ଅଞ୍ଚଳର ଜଣେ ୧୧ବର୍ଷିୟା ନାବାଳିକାକୁ ଅନ୍ୟଜଣେ ମହିଳା କେଉଁଆଡେ ନେଇ ଚାଲିଯାଇଥିବା ସଂପର୍କରେ ପିପିଲି ଥାନାରେ ଅଭିଯୋଗ ହୋଇଥିବା ବେଳେ ପୁଲିସ ଉକ୍ତ ନାବାଳିକାକୁ ରାଉରକେଲା ଅଞ୍ଚଳରୁ ଉଦ୍ଧାର କରିବାରେ ସଫଳ ହୋଇଛି।
ସୂଚନା ଅନୁଯାଇ, କୌଶଲ୍ୟାଗଙ୍ଗ ଫାଣ୍ଡି ଅଞ୍ଚଳରେ ଇଟାଭାଟିରେ କାର୍ଯ୍ୟ କରୁଥିବା ଜଣେ ମହିଳା ସେହି ଅଞ୍ଚଳର ଜଣେ ୧୧ବର୍ଷିୟା ନାବାଳିକାକୁ ଗତ ୨୦ ତାରିଖରେ କେଉଁଆଡେ ନେଇ ଚାଲିଯାଇଥିବା ସଂପର୍କରେ ନାବାଳିକାର ମାଆ ଗତ ୨୪ ତାରିଖରେ ପୁଲିସରେ ଲିଖିତ ଅଭିଯୋଗ କରିଥିଲେ। ଏନେଇ ପିପିଲି ପୁଲିସରେ ଏକ ମାମଲା ରୁଜୁ ହୋଇଥିଲା। ଆଇଆଇସି ଅଭିମନ୍ୟୁ ନାୟକ, କୌଶଲ୍ୟାଗଙ୍ଗ ଫାଣ୍ଡି ଅଧିକାରୀ ତଥା ମାମଲାର ତଦନ୍ତକାରୀ ଅଧିକାରୀ ଏସ୍ଆଇ ରଶ୍ମିରଞ୍ଜନ ପୃଷ୍ଟି ପ୍ରମୁଖ ବିଭିନ୍ନ ସୂତ୍ରରୁ ଖବର ନେଇ ଉକ୍ତ ନାବାଳିକାକୁ ରାଉରକେଲା ଅଞ୍ଚଳରୁ ଉଦ୍ଧାର କରିବାରେ ସଫଳ ହୋଇଛନ୍ତି।
ନାବାଳିକାକୁ ରାଉରକେଲାରୁ ଉଦ୍ଧାର କଲା ପୁଲିସ
Popular Categories
Previous article
Next article