ପିପିଲି : ଭୁବନେଶ୍ୱର-ପୁରୀ ଜାତୀୟ ରାଜପଥର ମଙ୍ଗଳପୁର ପେଟ୍ରୋଲ ଟାଙ୍କି ନିକଟରେ ରବିବାର ରାତିରେ ଏକ କାର୍ ଡିଭାଇଡର ସହ ଧକ୍କା ଦେଇ ରାସ୍ତା ଉପରେ ଓଲଟି ପଡିଥିଲା। ଏଥିଯୋଗୁଁ କାର୍ ମଧ୍ୟରେ ଥିବା ୪ଜଣ ସାମାନ୍ୟ ଆହତ ହୋଇଥିବା ବେଳେ ପୁଲିସ ଦୁର୍ଘଟଣାଗ୍ରସ୍ତ କାର୍କୁ ଜବତ କରି ଘଟଣାର ତଦନ୍ତ ଚଳାଇଛି।
ସୂଚନା ଅନୁଯାଇ, ଭୁବନେଶ୍ୱରରୁ ପୁରୀ ଅଭିମୁଖେ ଯାଉଥିବା ଏକ କାର୍ (ଓଆର୍୦୨ଏଜେ ୨୪୯୯) ରବିବାର ରାତି ପ୍ରାୟ ୮ଟା ସମୟରେ ମଙ୍ଗଳପୁର ପେଟ୍ରୋଲ ଟାଙ୍କି ନିକଟରେ କୌଣସି କାରଣରୁ ଭାରସାମ୍ୟ ହରାଇ ରାସ୍ତା ମଝିରେ ଥିବା ଡିଭାଇଡର ଉପରେ ଚଢିଯାଇଥିଲା। ପରେ କାର୍ଟି ଅପରପାର୍ଶ୍ବ ରାସ୍ତା ଉପରେ ଓଲଟି ପଡିଥିଲା। ଫଳରେ କାର୍ରେ ଥିବା ୪ଜଣ ସାମାନ୍ୟ ଆହତ ହୋଇଥିଲେ। ସୌଭାଗ୍ୟବସତଃ ସେହି ସମୟରେ କୌଣସି ଗାଡିମୋଟର ଆସୁନଥିବାରୁ ଏକ ନିଶ୍ଚିତ ବଡ ଅଘଟଣରୁ କାର୍ର ଯାତ୍ରୀମାନେ ବର୍ତ୍ତି ଯାଇଥିଲେ। ଏଥିଯୋଗୁଁ ସେହି ରାସ୍ତାରେ କିଛି ସମୟ ପାଇଁ ଟ୍ରାଫିକ ସମସ୍ୟା ଉପୁଜି ଥିବା ବେଳେ ଖବର ପାଇ ପିପିଲି ଥାନା ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ କାର୍କୁ ଜବତ କରି ଘଟଣାର ତଦନ୍ତ ଚଳାଇଥିବା ଜଣାଯାଇଛି। କାର୍ରେ ଥିବା ଯାତ୍ରୀଙ୍କ ଘର ସାଲେପୁର ଥାନା ପଦ୍ମପୁର ଅଞ୍ଚଳରେ ହୋଇଥିବା ସୂଚନା ମିଳିଛି।
ଡିଭାଇଡର୍ ସହ ଧକ୍କାଦେଇ ଓଲଟିଲା କାର୍
Popular Categories
Previous article
Next article