ଫୁଲବାଣୀ: କନ୍ଧମାଳ ଜିଲାରେ ଆରମ୍ଭ ହୋଇଛି ଅପରେସନ ଗଞ୍ଜେଇ ଗଛ କଟା ଅଭିଯାନ। ପୁଲିସ ମହାନିର୍ଦେଶକଙ୍କ ନିର୍ଦେଶ କ୍ରମେ ଜିଲା ଆରକ୍ଷୀ ଅଧିକ୍ଷକଙ୍କ ପ୍ରତକ୍ଷ ତତ୍ୱାବଧାନରେ ଏହି ଅପରେସନ ଆରମ୍ଭ ହୋଇଛି। ଜିଲାରେ କଞ୍ଜେଇ କାରବାରକୁ ନେଇ ସବୁବେଳେ ଚର୍ଚ୍ଚା ରେ ରହିଆସିଥିବା ଫିରିଙ୍ଗିଆ ଥାନା ଅଂଚଳରୁ ଏହି ଅଭିଯାନ ଆରମ୍ଭ କରାଯାଇଛି।
ସୂଚନା ଅନୁସାରେ ଫିରିଙ୍ଗିଆ ଥାନା ଅଧିକାରୀ ଗୋପୀନାଥ ପ୍ରଧାନ ଙ୍କ ନିର୍ଦେଶ କ୍ରମେ ଥାନା ଅଧୀନରେ ଥିବା କୁଳିଆକୁଟି, ଶିମିଳି ସାହି, ଟୁଣୁରସାହି ଓ ଗୋପିପଦର ଗାଁ ଗୁଡିକର ନିକଟ ବର୍ତ୍ତି ପ୍ରାୟ ଏକାବନ ଏକର ଜଙ୍ଗଲ ଜମିମାନଙ୍କରେ ବେଆଇଆନ ଭାବରେ ଚାଷ ହୋଇଥିବା ଗଞ୍ଜେଇ ଗଛ ଗୁଡିକୁ କାଟିଦେବା ସହ ଜାଳିପୋଡି ନଷ୍ଟ କରିଦିଆଯାଇଛି। ଯାହାର ଆନୁମାନିକ ମୂଲ୍ୟ ହାରାହାରି ଏକାବନ ଲକ୍ଷ୍ୟ ଟଙ୍କା ହେବ ବୋଲି ପୁଲିସ ସୂଚନା ଦେଇଛି।
ଏହି ଗଞ୍ଜେଇ କଟାକୁ ନେଇ ୨୨୯/୨୦୨୪ରେ ଏକ ମାମଲା ମଧ୍ୟ୍ୟ ରୁଜୁ କରାଯଇଛି। ଏହି ଅଭିଯାନରେ ଥାନାରେ କାର୍ଯ୍ୟରତ ଏସଆଇ ପ୍ରମୋଦ କୁମାର ବେହେରାଙ୍କ ସହ ଥାନାରେ କାର୍ଯ୍ୟରତ ସମସ୍ତ ହୋମ ଗାର୍ଡ ଓ ପ୍ରାୟ କୋଡିଏ ଜଣ ଶ୍ରମିକ ନିୟୋଜିତ ହୋଇଥିବା ବେଳେ ସୁରକ୍ଷା ଦୃଷ୍ଟିକୁ ଆଖିଆଗରେ ରଖି ଦୁଇ ପ୍ଲାଟୁନ ପୋଲିସ ଫୋର୍ସ ମଧ୍ୟ୍ୟ ମୁତୟନ କରାଯାଇଥିବା ସୂଚନା ଦେଇଛନ୍ତି ଥାନା ଅଧିକାରୀ ଗୋପୀନାଥ ପ୍ରଧାନ।
Comments are closed.