ଫୁଲବାଣୀ :ସ୍ଥାନୀୟ ବ୍ରାହ୍ମଣ ସାହି ଠାରେ ଏକ ଘରକାମ ଚାଲିଥିବା ବେଳେ ପାଚେରୀ ଭୁଶୁଡି ପଡ଼ିବାରୁ ଜଣେ ଶ୍ରମିକଙ୍କ ମୃତ୍ୟ ହୋଇଛି। ମୃତକ ଜଣକ ଟିକାବାଲି ଥାନା ସୁନାପାଙ୍ଗା ପ୍ରଧାନ ସାହିର କଳାକୃଷ୍ଣ ଭୋଇ ବୋଲି ଜଣାପଡ଼ିଛି। ସୂଚନା ଅନୁଯାୟୀ, କଳାକୃଷ୍ନ ତାଙ୍କ ପୁଅ ଓ ସ୍ତ୍ରୀଙ୍କ ସହ ବ୍ରାହ୍ମଣ ସାହିର ଜନୈକ ବ୍ୟକ୍ତିଙ୍କ ଘର ତିଆରି କାମରେ ନିୟୋଜିତ ଥିଲେ। ଏହି ସମୟରେ ପାଖରେ ଥିବା ଏକ କାନ୍ଥ ଭୁଶୁଡି ପଡ଼ିଥିଲା। ଫଳରେ ସେ କାନ୍ଥ ତଳେ ଚାପିହୋଇ ରହି ଯାଇଥିଲେ। ପାଖରେ ଥିବା ଅନ୍ୟ ଶ୍ରମିକଙ୍କ ସହ ସ୍ଥାନୀୟ ଲୋକେ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର ପରେ ଜିଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା।
ମୃତ କଳାକୃଷ୍ଣଙ୍କ ସ୍ତ୍ରୀ ଜଲି ଭୋଇ ଫୁଲବାଣୀ ଟାଉନ ଥାନାରେ ଏକ ଲିଖିତ ଏତଲା ଦେବା ପରେ ପୁଲିସ ମେଡିକାଲରେ ପହଞ୍ଚି ମୃତଦେହ ଜବତ ପରେ ବ୍ୟବଚ୍ଛେଦ ପାଇଁ ପଠାଇ ଥିଲା। ଏ ନେଇ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଥିବା ଥାନା ଅଧିକାରୀ କନକ କୁମାର ମାଝୀ ସୂଚନା ଦେଇଛନ୍ତି।
Comments are closed.