ଫୁଲବାଣୀ :କନ୍ଧମାଳ ଜିଲା ଫିରିଙ୍ଗିଆ ଥାନା ପବିଙ୍ଗିଆ ପଞ୍ଚାୟତ ଅଧୀନରେ ଥିବା ପତଖୋଲ ଛକ ନିକଟରୁ ଫୁଲବାଣୀ ସଦର ଅବକାରୀ ବିଭାଗ ରବିବାର ୭୫ କିଲୋ ଗଞ୍ଜେଇ ଜବତ କରିବା ସହ ଏହି ଘଟଣାରେ ଦୁଇଜଣ ବ୍ୟକ୍ତିଙ୍କୁ ଗିରଫ କରାଯାଇଥିବା ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି।
ସୂଚନା ଅନୁସାରେ ରବିବାର ସକାଳୁ ଦୁଇଜଣ ବ୍ୟକ୍ତି ଏହି ପତଖୋଲ ଗାଁ ଛକ ନିକଟରେ ଚାରୋଟି ଗଞ୍ଜେଇ ଭର୍ତ୍ତି ବସ୍ତା ରଖି ଚାଲାଣ କରିବା ପାଇଁ ଗାଡିକୁ ଅପେକ୍ଷା କରିଥିବା ସମୟରେ କୌଣସି ସୂତ୍ରରୁ ଖବରପାଇ ଅବକାରୀ ବିଭାଗର କର୍ମଚାରୀମାନେ ମାଡ଼ିବସିଥିଲେ। ଗିରଫ ଦୁଇ ଅଭିଯୁକ୍ତ ସେହି ପତଖୋଲ ଗାଁର ସନୁଜ ମହାକୁଡ଼ ଓ ସର୍ବେଶ୍ୱର ମହାକୁଡ଼ ବୋଲି ଜଣାପଡିଛି । କବତ ଗଞ୍ଜେଇ ବ୍ରହ୍ମପୁରକୁ ଚାଲାଣ କରାଯାଉଥିବା ଜଣାପଡିଛି।
ଏହି ଘଟଣାରେ ଫୁଲବାଣୀ ସଦର ଅବକାରୀ ବିଭାଗରେ ୪୬/୨୪ରେ ଏକ ମାମଲା ରୁଜୁ କରି ଅଭିଯୁକ୍ତମାନଙ୍କୁ କୋର୍ଟ ଚାଳାଣ କରାଯାଇଛି। ଅବକାରୀ ଇନେସ୍ପେକ୍ଟର ପୂର୍ଣଚନ୍ଦ୍ର ବେହେରାଙ୍କ ନେତୃତ୍ୱରେ ହୋଇଥିବା ଏହି ଚଢ଼ାଉରେ ଏସଏଇ ସାଗର ଭୋଇ, ସୁକାନ୍ତ କୁମାର କହଁର, କନେଷ୍ଟପଲ ଅନିଲ କୁମାର ବେହେରା, ମିଳନ କୁମାର ସାହୁ, ସଂଜୀବ ପ୍ରଧାନ, ଅନିଲ କୁମାର ପାଣିଗ୍ରାହୀ ପ୍ରମୁଖ ସାମିଲ ଥିଲେ।
Comments are closed.