ପାତ୍ରପୁର,: ଦାଣ୍ଡ ଆଗରେ ଯାଇଥିବା ବାଘଲଟି କେନାଲ ସିମେଣ୍ଟ ନାଳ ମଧ୍ୟରୁ ନାଗ ଏବଂ ହିଡରୁ ଚନ୍ଦନ ବୋଡ଼ା ସାପ ଧରି ପାହାଡ଼ରେ ଛାଡ଼ିଛନ୍ତି। ଭ୍ରମରପୁର ପଞ୍ଚାୟତ ସମାସିଙ୍ଗିଶାସନ ଗ୍ରାମର ଦଳିତ ସାହି ନିକଟ ସିମେଣ୍ଟ କେନାଲ ମଧ୍ୟରେ ଗୋଟିଏ ନାଗସାପ ଏପଟ ସେପଟ ହୋଇ ପଦାକୁ ଆସି ପରୁ ନଥିଲା। ଖବର ପାଇ ସାପ ପାଖରେ ପହଞ୍ଚିବା ସମୟରେ ହିଡରେ ଥିବା ଏକ ଚନ୍ଦନ ବୋଡ଼ା ଗର୍ଜନ କରିଥିଲା ।
ତୁରନ୍ତ କଣ୍ଟି ବାଡି ସାହାଯ୍ୟରେ ବୋଡ଼ା ସାପଟିକୁ ଧରି ଏକ ଆଖାରେ ପୁରାଇ ରଖିଥିଲେ।ଏହାପରେ ନାଳରେ ଥିବା ନାଗ ସାପଟିକୁ ଧରି ଆଖାରେ ପୁରାଇଥିଲେ। ଏହାପରେ ଶିକ୍ଷକ ହରିଚନ୍ଦ୍ର ତ୍ରିପାଠୀ ବାହୁଦା ନଦୀ ନିକଟ ନନ୍ଦିଆ ପାହାଡ଼ର ଦୁଇ ପାର୍ଶ୍ବରେ ୨ଟି ସାପକୁ ଛାଡିଥିଲେ। ଏହି ଗ୍ରାମରେ ବିଭିନ୍ନସମୟରେ ବାହାରୁ ଥିବା ବିଷଧର ସାପ ଠାରୁ ବିଭିନ୍ନ ପ୍ରକାରର ସାପକୁ ଦୀର୍ଘ ବର୍ଷ ହେଲା ଧରି ଛାଡୁଥିବା ପରମ୍ପରା ରହିଛି। ଗ୍ରାମର ଅଧିକାଂଶ ଯୁବକ ସାପ ଧରି ପାହାଡରେ ଛାଡ଼ୁଛନ୍ତି। ନାଗ ସାପଟିର ଲମ୍ବା ପ୍ରାୟ ଚାରିଫୁଟ ହୋଇ ଥିବା ବେଳେ ଚନ୍ଦନ ବୋଡା ସାପଟିର ଲମ୍ବା ଦେଢ଼ ଫୁଟ ବୋଲି ଜଣାପଡ଼ିଛି।
