ପାଟଣା: ପାଟଣା ବ୍ଲକ ଅନ୍ତର୍ଗତ ଚାକୁଣ୍ଡାପାଳ ପଞ୍ଚାୟତ ଶରଧାପୁର ଖେଳ ପଡ଼ିଆରେ ରାଧାକୃଷ୍ଣ ଯୁବକ ସଙ୍ଘ ଜଡ଼ିଚାତର ପକ୍ଷରୁ ଅନୁଷ୍ଠିତ ବାର୍ଷିକ ଫୁଟବଲ ପ୍ରତିଯୋଗିତାରେ ଆମ୍ବୁଆପଡ଼ା ଚମ୍ପିୟାନ ହୋଇଛି । ଗୋଜାପଥର ଓ ଆମ୍ବୁଆପଡ଼ା ମଧ୍ୟରେ ଚୂଡାନ୍ତ ଖେଳ ଅନୁଷ୍ଠିତ ହୋଇଥିଲା । ତେବେ ପେନାଲ୍ଟି ସୁଟ ଆଉଟରେ ୨-୧ ଗୋଲରେ ଗୋଜାପଥର ପରାସ୍ତ ହୋଇଛି। ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଜଗନ୍ନାଥ ନାଏକ, ସମ୍ମାନିତ ଅତିଥି ଭାବେ ୨୧ ନଂ ଜୋନ ଜିଲ୍ଲା ପରିଷଦ ସଦସ୍ୟ ପ୍ରଫୁଲ୍ଲ କୁମାର ନାଏକ, ବ୍ଲକ ବିଜେଡି ସଭାପତି ମାଧବନନ୍ଦ ପୃଷ୍ଟି , ଚାକୁଣ୍ଡାପାଳ ସରପଞ୍ଚ ଲିନା ନାଏକ, ସମିତି ସଭ୍ୟ ଉତ୍ତମ କୁମାର ବେହେରା, ଓଡ଼ିଶା କୁଡୁମି ସେନା ରାଜ୍ୟ ଉପସଭାପତି ମିତ୍ରଭାନୁ ମହାନ୍ତ ଓ ଯୁବ ବିଜେଡିର ସୌମ୍ୟରଞ୍ଜନ ରାଉତ ପ୍ରମୁଖ ଯୋଗ ଦେଇ ବିଜେତା, ଉପବିଜେତା ଓ କୃତୀ ଖେଳାଳି ମାନଙ୍କୁ ପୁରସ୍କାର ବିତରଣ କରିଥିଲେ l ଯୁବକ ସଂଘର ସଭାପତି ଜଗନ୍ନାଥ ନାଏକ, ସର୍ବଶ୍ରି ଚକ୍ରଧର, ବସନ୍ତ, ଭୋଳା, ତପନ, ମନମୋହନ, ପାପୁନ ଓ ଅଜୟଙ୍କ ଦ୍ଵାରା ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା ।
Popular Categories
Previous article
Next article