ନୂଆଦିଲ୍ଲୀ: ବ୍ୟକ୍ତିଗତ ଆଇନ ସଂଶୋଧନ ବିଧେୟକ – ୨୦୧୯ ସଂସଦର ଅନୁମୋଦନ ଲାଭ କରିଛି । ରାଜ୍ୟସଭା ବୁଧବାରଦିନ କୌଣସି ଆଲୋଚନା ନ କରି ଏହି ବିଧେୟକଙ୍କୁ ମଞ୍ଜୁରୀ ପ୍ରଦାନ କରିଛନ୍ତି । ଲୋକସଭା ପୂର୍ବ ଅଧିବେଶନ କାଳରେ ଏହି ବିଧେୟକଙ୍କୁ ମଞ୍ଜୁରୀ ପ୍ରଦାନ କରିଥିଲେ । ବିଶେଷ କରି କୁଷ୍ଠ ବ୍ୟାଧିର ଚିକିତ୍ସା ସମ୍ଭବ ହେତୁ ଏଥିରେ ଆକ୍ରାନ୍ତ ବ୍ୟକ୍ତିଙ୍କ ଅଧିକାର ସମ୍ପର୍କରେ ଏହି ବିଧେୟକରେ ବ୍ୟବସ୍ଥା ରହିଛି । ଏହି ବିଧେୟକରେ ଛାଡପତ୍ର ଆଇନ-୧୮୬୯, ମୁସଲିମ ବିବାହ ଆଇନ-୧୯୩୯ର ସମାପ୍ତି, ବିଶେଷ ବିବାହ ଆଇନ-୧୯୫୪, ହିନ୍ଦୁ ବିବାହ ଆଇନ-୧୯୫୫ ଏବଂ ହିନ୍ଦୁ ଦତ୍ତପତ୍ର ଏବଂ ରକ୍ଷଣାବେକ୍ଷଣ ଆଇନ-୧୯୫୬ରେ ସଂଶୋଧନ ପାଇଁ ବ୍ୟବସ୍ଥା ରହିଛି ଯାହା ଫଳରେ କୁଷ୍ଠ ରୋଗୀଙ୍କ ପ୍ରତି ହେଉଥିବା ଭେଦଭାବ ଦୂର କରାଯାଇ ପାରିବ । ରାଜ୍ୟସଭା ମଧ୍ୟ ସମ୍ବିଧାନ (ଅନୁସୂଚିତ ଜନଜାତି) ଆଦେଶ ବିଧେୟକ-୨୦୧୯ର ତୃତୀୟ ସଂଶୋଧନକୁ ବିନା କୌଣସି ଆଲୋଚନାରେ ଅନୁମୋଦନ କରିଛନ୍ତି । ବୁଧବାରଦିନ ରାଜ୍ୟସଭାରେ ରାଷ୍ଟ୍ରୀୟ ଖାଦ୍ୟ ପ୍ରଦ୍ୟୋଗିକି ସଂସ୍ଥାନ, ଉଦ୍ୟମିତା ଏବଂ ପରିଚାଳନା ବିଧେୟକ-୨୦୧୯ ଆଗତ କରାଯାଇଛି ।
Popular Categories
Previous article
Next article