ଇସଲାମାବାଦ: ପାକିସ୍ତାନ ଜେଲ୍ରେ ବନ୍ଦୀ ଥିବା କୁଳଭୂଷଣ ଯାଦବଙ୍କୁ ୨ୟ ଥର କୂଟନୈତିକ ସହାୟତା ପ୍ରଦାନ କରିବାକୁ ପାକିସ୍ତାନ ମନା କରିଦେଇଛି। ପାକିସ୍ତାନୀ ବିଦେଶୀ ମନ୍ତ୍ରଣାଳୟ ମୁଖପାତ୍ର ମହମ୍ମଦ ଫୈସଲ ଏ ନେଇ ସୂଚନା ଦେଇଛନ୍ତି।
କୁଳଭୂଷଣଙ୍କୁ କୂଟନୈତିକ ସହାୟତା ଯୋଗାଇଦେବା ଲାଗି ଅନ୍ତର୍ଜାତୀୟ ନ୍ୟାୟିକ ଅଦାଲଦ(ଆଇସିଜେ) ପାକିସ୍ତାନକୁ ନିର୍ଦେଶ ଦେଇଥିଲେ। ଏହା ସତ୍ବେ ପାକିସ୍ତାନ ଏହାକୁ କାର୍ଯ୍ୟକାରୀ କରିବାକୁ ବିଳମ୍ବ କରିଥିଲା। ଗତ ସେପ୍ଟେମ୍ବର ୨ ତାରିଖରେ ପାକିସ୍ତାନ ପ୍ରଥମ ଥର କୁଳଭୂଷଣଙ୍କୁ କୂଟନୈତିକ ସହାୟତା ଯୋଗାଇଥିଲା। ଏହାପରେ ଭାରତୀୟ ଦୂତାବାସ ଅଧିକାରୀ କୁଳଭୂଷଣଙ୍କୁ ଭେଟି ଆଲୋଚନା କରିଥିଲେ। ଏକ ଅଜ୍ଞାତ ସ୍ଥାନରେ ଏହି ଆଲୋଚନା ହୋଇଥିଲା। କିନ୍ତୁ ପୁନର୍ବାର କୂଟନୈତିକ ସୁବିଧା ନ ଦେବା ଲାଗି ପାକିସ୍ତାନ ନିଷ୍ପତ୍ତି ନେଇଥିବା ଫୈସଲ କହିଛନ୍ତି।
