ନୀଳଗିରି : ବାଲେଶ୍ବର ଜିଲା ଔପଦା ବ୍ଳକ ବଳରାମପାଟଣା ଗାଁରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଛି । ବାଣ ବିସ୍ଫୋରଣରେ ଜଣେ ନାବାଳକ ମୃତ୍ୟୁ ଘଟିଥିବା ସୂଚନା ମିଳିଛି । ଏକ ଅଫୁଟା ବାଣକୁ ନାବାଳକ ଜଣଙ୍କ ଫୁଟାଇବାକୁ ଚେଷ୍ଟା କରୁଥିବା ବେଳେ ଏହି ବିସ୍ଫୋରଣ ଘଟିଛି ।
ସୂଚନାଯୋଗ୍ୟ, ସୋମବାର ଏକ ବିବାହ ଶୋଭାଯାତ୍ରା ଯାଇଥିବା ବେଳେ ଏକ ବାଣ ନଫୁଟି ପଡିରହିଥିଲା। ନାବାଳକ ଜଣଙ୍କ ଆଜି ସେହି ବାଣକୁ ଫୁଟାଇବାକୁ ଚେଷ୍ଟା କରିବା ବେଳେ ବିସ୍ଫୋରଣ ହୋଇଥିଲା। ଫଳରେ ଘଟଣାସ୍ଥଳରେ ନାବାଳକର ମୃତ୍ୟୁ ହୋଇଛି ।
