ବେଗୁନିଆ : ଖୋର୍ଦ୍ଧା ରାସ୍ତା ଓ ଗୃହ ନିର୍ମାଣ ବିଭାଗ ଅଧିନସ୍ଥ ବେଗୁନିଆ-ଲୋଧାଚୁଆ ରାସ୍ତାର ଉନ୍ନତିକରଣ ପାଇଁ ନାବାର୍ଡ ସହାୟତାରେ କରାଯାଇଥିବା ରାସ୍ତାକାମ ନିମ୍ନମାନର ହୋଇଥିବା ଯୋଗୁଁ ରାସ୍ତାରୁ ପିଚୁ ଧସକି ଖାଲ ଖମା ସୃଷ୍ଟି ହୋଇଥିବା ନେଇ ଅଭିଯୋଗ ହୋଇଛି । । ଫଳରେ ଗାଡି ମଟର ଏବଂ ଜନସାଧାରଣ ଯାତାୟାତରେ ଅସୁବିଧା ଦେଖା ଦେଇଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।୧୨କି ମି ରାସ୍ତା ପାଇଁ ନାବାର୍ଡ୧୨ କୋଟି ଟଙ୍କା ସହାୟତା ଦେଇଥିବା କୁହାଯାଉଛି । ଠିକାଦାର ଏହି କାର୍ୟ୍ୟ କରୁଥିବା ସମୟରେ କାମ ନିମ୍ନମାନର ହେଉଥିବାର ସ୍ଥାନୀୟ ଜନସାଧାରଣ ବାରମ୍ବାର ଅଭିଯୋଗ କରିଥିଲେ । ଠିକାଦାର ଧାର୍ୟ୍ୟ ସମୟ ମଧ୍ୟରେ ଉକ୍ତ ରାସ୍ତା କାର୍ୟ୍ୟ ସାରି ପାରି ନଥିବା ବେଳେ ବହୁ ବିଳମ୍ବରେ କାର୍ୟ୍ୟ ସମ୍ପାଦନ କରିଥିବାବେଳେ ଆଜି ପର୍ୟ୍ୟନ୍ତ ରାସ୍ତାର ଦୁଇ ପାର୍ଶ୍ଵରେ ଏ ପର୍ୟ୍ୟନ୍ତ ବର୍ମ ଦିଆଯାଇନାହିଁ ।ରାସ୍ତାର ବିଭିନ୍ନ ସ୍ଥାନରେ ହୋଇଥିବା ସୁରକ୍ଷା ପ୍ରାଚୀର ଏବଂ ଡ୍ରେନ କାର୍ୟ୍ୟ ନିମ୍ନ ମାନର ହୋଇଥିବା ଯୋଗୁଁ ସେଗୁଡିକ ମଧ୍ୟ ଭାଙ୍ଗିବାକୁ ବସିଲାଣି ।କାମ ସରିବାର ୬ ମାସ ନହେଉଣୁ ରାସ୍ତାର ଅବସ୍ଥା ବେହାଲ ହେବାକୁ ବସିଛି ।ରାସ୍ତାକାମ ଆରମ୍ଭରେ ଚଟୁଆ ନିକଟରେ ରାସ୍ତା ଉପରେ ଥିବା ବହୁ ମୂଲ୍ୟବାନ ଗଛ ଜଙ୍ଗଲ ବିଭାଗ ଅଗୋଚରରେ ବିଭାଗୀୟ କର୍ମଚାରୀ ମାନେ ତାକୁ କାଟି ବିକ୍ରି କରି ଦେଇଥିବାର ସେ ସମୟରେ ସାଧାରଣରେ ଅଭିଯୋଗ ହୋଇଛି । ବିଭାଗୀୟ ଉଚ୍ଚ କର୍ତୃପକ୍ଷ ଏଥିପ୍ରତି ଧ୍ୟାନ ଦେଇ ବିହିତ କାର୍ୟ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଜନସାଧାରଣରେ ଦାବି ହେଉଛି ।
Popular Categories
Previous article
Next article