ନୂଆଦିଲ୍ଲୀ : କଂଗ୍ରେସର ଶୋଚନୀୟ ପରାଜୟ ପାଇଁ ଦଳର ଅଧ୍ୟକ୍ଷ ରାହୁଲ ଗାନ୍ଧୀ ନିଜକୁ ଦାୟୀ କରିଛନ୍ତି । ହେଲେ ଦଳର କିଛି ବରିଷ୍ଠ ନେତା ଏହି ପରାଜୟ ପାଇଁ ନିଜକୁ ଦୋଷୀ ମନେ କରି ଗୁରୁତ୍ବପୂର୍ଣ୍ଣ ପଦବୀରୁ ଇସ୍ତଫା ଦେବା ଆରମ୍ଭ କରିଦେଇଛନ୍ତି । ଏହି କ୍ରମରେ ଉତ୍ତର ପ୍ରଦେଶର କଂଗ୍ରେସ ଅଧ୍ୟକ୍ଷ ପଦରୁ ରାଜ ବବର ଇସ୍ତଫା ଦେଇଛନ୍ତି । ସେହିପରି କର୍ଣ୍ଣାଟକରେ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ଏଚ୍.କେ ପାଟିଲ ଏବଂ ଓଡିଶା ପ୍ରଦେଶ ଅଧ୍ୟକ୍ଷ ପଦରୁ ନିରଞ୍ଜନ ପଟ୍ଟନାୟକ ଇସ୍ତଫା ଦେଇଛନ୍ତି ।
जनता का विश्वास हासिल करने के लिए विजेताओं को बधाई।
यूपी कांग्रेस के लिए परिणाम निराशाजनक हैं। अपनी ज़िम्मेदारी को सफ़ल तरीके से नहीं निभा पाने के लिए ख़ुद को दोषी पाता हूँ। नेतृत्व से मिलकर अपनी बात रखूंगा।
— Raj Babbar (@RajBabbarMP) 24 May 2019
ପ୍ରକାଶ ଯେ, ରାଜ ବବରଙ୍କୁ ଫତେହପୁର ସିକରୀ ଲୋକସଭା ଆସନରୁ ଟିକେଟ୍ ମିଳିଥିଲା । କିନ୍ତୁ ରାଜ ବବର ନିର୍ବାଚନରେ ଶୋଚନୀୟ ଭାବେ ପରାଜୟ ଲାଭ କରିଛନ୍ତି । ଉତ୍ତରପ୍ରଦେଶରେ କଂଗ୍ରେସ କେବଳ ଗୋଟିଏ ଆସନରେ ବିଜୟୀ ହୋଇଛି । ଏପରିକି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କ ପାରମ୍ପରିକ ଲୋକସଭା ଆସନ ଅମେଠିରୁ ହାରି ଯାଇଛନ୍ତି । ଅନ୍ୟମାନଙ୍କ ମଧ୍ୟରେ ଅମେଠି ଜିଲା କଂଗ୍ରେସ ଅଧ୍ୟକ୍ଷ ନିଜ ପଦରୁ ଇସ୍ତଫା ଦେଇଛନ୍ତି । କଂଗ୍ରେସ ଜେଡିଏସ ମେଣ୍ଟ ସରକାର ଥିବା ସତ୍ତ୍ବେ କର୍ଣ୍ଣାଟକରେ କଂଗ୍ରେସ ଗୋଟିଏରୁ ଅଧିକ ଆସନ ଜିତି ପାରିନାହିଁ । ଓଡିଶା ଲୋକସଭା ଓ ବିଧାନସଭା ନିର୍ବାଚନରେ କଂଗ୍ରେସ ନୈରାଶ୍ୟଜନକ ପ୍ରଦର୍ଶନ କରିଛି । ପିସିସି ସଭାପତି ନିରଞ୍ଜନ ପଟ୍ଟନାୟକ ଦୁଇଟି ଆସନରୁ ନିର୍ବାଚନ ଲଢି ପରାଜୟ ଲାଭ କରିଛନ୍ତି । ଏହା ପରେ ନୈତିକତା ଦୃଷ୍ଟିରୁ ସେ ନିଜ ପଦରୁ ଇସ୍ତଫା ଦେଇଛନ୍ତି ।
