ଭୁବନେଶ୍ବର: ପୁଣି ଭିଜିଲାନ୍ସ ପଞ୍ଝାରେ ଆଉ ଜଣେ ସରକାରୀ ବାବୁ । ନୟାଗଡ଼ ଜିଲ୍ଳା ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ଗୋବିନ୍ଦ ସାହୁଙ୍କ ଘରେ ଭିଜିଲାନ୍ସ ଚଢ଼ାଉ କରୁଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଟିମ୍ ଚଢ଼ାଉ କରୁଥିବା ବେଳେ ଏକକାଳୀନ ୬ଟି ସ୍ଥାନରେ ତନାଘନା କରାଯାଉଛି । ମିଳିଥିବା ସୂଚନା ଅନୁସାରେ ନୟାଗଡ଼ କାର୍ଯ୍ୟାଳୟ ସମେତ ବାସଭବନରେ ଭିଜିଲାନ୍ସ ଟିମ୍ ଯାଞ୍ଚ କରୁଛନ୍ତି । ଭୁବନେଶ୍ବର ଓ କଟକରେ ମଧ୍ୟ ଭିଜିଲାନ୍ସ ଟିମ୍ ତନାଘନା କରୁଛି । ଏହି ଚଢ଼ାଉରେ ୫ଜଣ ଡିଏସପି ଓ ୫ଜଣ ଇନିସପେକ୍ଟର ନିୟୋଜିତ ଥିବା ସୂଚନା ମିଳିଛି । ଯନ୍ତ୍ରୀ ଗୋବିନ୍ଦ ସାହୁ ଗ୍ରାମ୍ୟ ଉନ୍ନୟନ ବିଭାଗରେ କର୍ଯ୍ୟରତ ଅଛନ୍ତି । ତେବେ ଏଯାଏ ତାଙ୍କର କେତେ ସମ୍ପତ୍ତି ରହିଛି ତାହା ଜଣାପଡ଼ିନାହିଁ ।
Comments are closed.