ସମ୍ବଲପୁର : ସମ୍ବଲପୁର ଟାଉନ ଥାନା ପକ୍ଷରୁ ନିଶା ବିରୋଧି ଅଭିଯାନ କ୍ରମରେ ଚଢ଼ଉ କରାଯାଇ ବିପୁଳ ନିଶା କଫ ସିରପ ଜବତ ସହିତ ୩ ଜଣଙ୍କୁ ଗିରଫ କରାଯାଇଛି । ପୁଲିସର ସୁଚନା ଅନୁଯାୟୀ, ବେଆଇନ ନିଶା କାରବାର ଚାଲିଥିବାର ଖବର ପାଇ ନିଶା କାରବାର ହବ ସାଜିଥିବା ସାହୁ କଲୋନୀ ଠାରେ ପୁଲିସ ଚଢ଼ଉ କରିଥିଲା । ଚଢ଼ଉ ସମୟରେ ପୁଲିସ ଦାନୀବନ୍ଧ ଅଞ୍ଚଳ ନିବାସୀ ଜଗର ରୋହିଦାସ (୨୮), ଅମନ ମେହେର (୨୪), ପ୍ରମୋଦ ଜାନି (୨୪), ସାହୁ କଲୋନୀ ନିବାସୀ ମମତା କୁମାରୀ (୩୬), କାହ୍ନା ସିଂ (୨୦) ଓ ପବିତ୍ର ଜେନା (୪୨) ଙ୍କୁ ଧରିଥିଲା । ସେମାନଙ୍କ ନିକଟରୁ ପୁଲିସ ୧୨ ଶହ ୫୫ ଟି ନିଶା କଫ ସିରପ, ୧୬ ଶହ ଟଙ୍କା ଓ ୨ଟି ମୋବାଇଲ ଫୋନ ଜବତ କରିଛି । ଏ ନେଇ ଟାଉନ ଥାନାରେ ଏକ ମାମଲା ରୁଜୁ କରି ପୁଲିସ ଅଭିଯୁକ୍ତ ମାନଙ୍କୁ ଗିରଫ କରି ଆଜି ଅଦାଲତକୁ ଚାଲାଣ କରିଥିବା ପୁଲିସ ସୁଚନା ଦେଇଛି ।
Popular Categories
Previous article
Next article