ଲାଞ୍ଜିଗଡ : ଲାଞ୍ଜିଗଡ ବ୍ଲକ ଲାଞ୍ଜିଗଡ ଥାନା ଅଞ୍ଚଳର ଏକ ବାଳିକାକୁ ଅପହରଣ କରି ନେଇଥିବା ଦୁଇଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି ଲାଞ୍ଜିଗଡ ପୋଲିସ । ସୂଚନାନୁସାରେ ବାଳିକା ଜଣକ ସୋମବାର ନିଜ ଭଉଣୀ ସହିତ ମନ୍ଦିରକୁ ଯାଇଥିବା ବେଳେ ଲାଞ୍ଜିଗଡ ବ୍ଲକ ଚମ୍ପାଦେଇପୁର ପଞ୍ଚାୟତ ଯୋଡ଼ାବନ୍ଧ ଗ୍ରାମର ଖଗପତି ହରିଜନ (୨୫) , ଦୁଇଜଣ ସାଙ୍ଗ ଏବଂ ରାୟଗଡା ଜିଲ୍ଲା ଆମ୍ବାଦୋଳାର କାର ଡ୍ରାଇଭର ବୈଲୋଚନ ବାଗ (୨୪) ସହିତ ମିଶି ଜୋର ଜବରଦସ୍ତ ମନ୍ଦିର ପାଖରୁ ଏକ ଏରଟିଗା କାର ନଂ ଓଡି-୧୮-ଏନ-୭୮୧୦ ରେ ଉଠାଇ ନେଇଥିଲେ । ଘଟଣା ପରେ ବାଳିକାର ଭଉଣୀ ଘରକୁ ଯାଇ ପରିବାର ଲୋକଙ୍କୁ ସୂଚନା ଦେଇଥିଲେ । ସୂଚନାପାଇ ବାଳିକାର ପିତା ବହୁତ ଖୋଜାଖୋଜି ପରେ ଝିଅକୁ ନ ପାଇବାରୁ ଲାଞ୍ଜିଗଡ ଥାନାରେ ଏକ ଲିଖିତ ଅଭିଯୋଗ କରିଥିଲେ । ଏହାପରେ ଲାଞ୍ଜିଗଡ ଥାନାଧିକାରୀ ଜିତେନ୍ଦ୍ର କୁମାର ବିଶ୍ୱାଳଙ୍କ ନେତୃତ୍ୱରେ ଏସଆଇ ଡୋଳାମଣି ବିଶି , ଏଏସଆଇ ସ୍ଵର୍ଣ୍ଣଲତା ଗମାଙ୍ଗ ଏବଂ ପୋଲିସ ବଳ ସହିତ ଅଞ୍ଚଳରେ ତଦନ୍ତ କଲାପରେ ବିଶେଷ ସୂତ୍ରରୁ ଖବର ପାଇ ବିଜେପୁର ଥାନା ଅଞ୍ଚଳରେ ଥିବା ପଦ୍ମଥୋପା ଗ୍ରାମରୁ ବାଳିକା ସମେତ ତିନିଜଣଙ୍କୁ ଧରି ଲାଞ୍ଜିଗଡ ଆଣିବାପରେ ବାଳିକାକୁ ପରିବାର ଲୋକଙ୍କୁ ହସ୍ତାନ୍ତର ପରେ ଦୁଇ ଅଭିଯୁକ୍ତଙ୍କୁ ଥାନାରେ ଅଟକ ରଖିଥିଲେ । ଆଜି ତଦନ୍ତ ପରେ ଏମାନଙ୍କ ସହିତ ଆଉ ଦୁଇଜଣ ସମ୍ପୃକ୍ତ ରହିଥିବା ବେଳେ ବର୍ତ୍ତମାନ ସେମାନେ ଫେରାର ଥିବା ପୋଲିସ ପକ୍ଷରୁ ସୂଚନା ମିଳିଛି । ଏ ନେଇ ଲାଞ୍ଜିଗଡ ଥାନା ପକ୍ଷରୁ ଏକ ଅପହରଣ ମାମଲା ରୁଜୁ କରି କେସ ନଂ ୫୮ /୨୫ ଧାରା ୮୭/୩(୫) ବିଏନଏସ ରେ ଅଭିଯୁକ୍ତ ଦୁଇଜଣଙ୍କୁ କୋର୍ଟ ଚାଲାଣ କରିଥବା ଲାଞ୍ଜିଗଡ ଥାନାଧିକାରୀ ଶ୍ରୀ ବିଶ୍ୱାଳ ପ୍ରକାଶ କରିଛନ୍ତି ।
Popular Categories
Previous article
Next article