ପିପିଲି:ପିପିଲି ନିକଟବର୍ତ୍ତୀ ଦାଣ୍ଡମୁକୁନ୍ଦପୁର ଗ୍ରାମର ଆରାଧ୍ୟ ଠାକୁର ପ୍ରଭୁ ଶ୍ରୀଗୋପୀନାଥ ଦେବଙ୍କ ମନ୍ଦିର ପରିସରରେ ଚାଲିଛି ପ୍ରସିଦ୍ଧ ଶରତ ରାସ ଉତ୍ସବ। ପ୍ରତ୍ୟହ ସଂନ୍ଧ୍ୟାରେ ଗୋପୀନାଥ ଦେବଙ୍କ ଚଳନ୍ତି ପ୍ରତିମା ଶ୍ରୀମଦନମୋହନଙ୍କୁ ରାସମଣ୍ଡପକୁ ବିଜେ କରାଯିବା ପରେ ଗ୍ରାମର ଶିଶୁ କଳାକାର ମାନେ ରାଧାକୃଷ୍ଣ ଓ ଅଷ୍ଟସଖୀ ଭୂମିକାରେ ଅଭିନୟ ମାଧ୍ୟମରେ ବୃନ୍ଦାବନରେ ରାସଲୀଳା, ଦୋଳି ଖେଳ, ପୁଷ୍ପତୋଳା, ପଶାଖେଳ, ଅବୀର ଖେଳ, ଜଳକ୍ରୀଡା ଆଦି ବିିଭିନ୍ନ ପ୍ରସଙ୍ଗମାନ ପରିବେଷଣ କରୁଛନ୍ତି। ପ୍ରତ୍ୟହ ହଜାର ହଜାର ଦର୍ଶନାର୍ଥୀଙ୍କ ସମାଗମରେ ମନ୍ଦିର ଲୋକାରଣ୍ୟ ହେଉଥିବା ବେଳେ ଏହାକୁ ଲୋକେ ମନଭରି ଉପଭୋଗ କରୁଛନ୍ତି। ଶ୍ରୀ ଶ୍ରୀ ଗୋପୀନାଥ ଦେବ ସମନ୍ୱୟ ରାସ ପରିଷଦ ସଭ୍ୟଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏବଂ ମନ୍ଦିର ଟ୍ରଷ୍ଟ ବୋର୍ଡ ଓ ଜନସାଧାରଣଙ୍କ ସହଯୋଗରେ ଦୀର୍ଘ ୫୦ବର୍ଷରୁ ଊର୍ଦ୍ଧ୍ବକାଳ ଧରି ଏହି ଆଧ୍ୟାତ୍ମିକ କାର୍ଯ୍ୟକ୍ରମ ଅନୁଷ୍ଠିତ ହୋଇ ଆସୁଥିବା ସଂପର୍କରେ ପରିଷଦର ସଂପାଦକ ପ୍ରସନ୍ନ କୁମାର ଦାସ ପ୍ରକାଶ କରିଛନ୍ତି।
Comments are closed.