ବୌଦ୍ଧ: ବୌଦ୍ଧ ପ୍ରାଣୀ କଲ୍ୟାଣ ମଂଚ ପକ୍ଷରୁ ସରସରା ସ୍ଥିତ ବାବା ବୈଦ୍ୟନାଥ ନୋଡାଲ ଉଚ୍ଚ ବିଦ୍ୟାଳୟ ଠାରେ ବିଶ୍ୱ ସର୍ପ ଦିବସ ପାଳିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ପଦ୍ମଜା ପତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଚେତନତା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରାଣ ବନ୍ଧୁ ମହାପାତ୍ର ଯୋଗଦେଇ ପରିବେଶ ସନ୍ତୁଳନ ରକ୍ଷା କରିବାରେ ସାପଙ୍କ ଭୂମିକା ସେମାନଙ୍କ ସୁରକ୍ଷା ଓ ସର୍ପ ଦଂଶନର ପ୍ରାଥମିକ ଉପଚାର ବିଷୟରେ ବିସ୍ତୃତ ଆଲୋଚନା କରିଥିଲେ। ମୁଖ୍ୟବକ୍ତା ଭାବେ ପ୍ରାଣୀ କଲ୍ୟାଣ ମଂଚର ଉପଦେଷ୍ଟା ସମୀର ସାହୁ ଯୋଗଦେଇ ସର୍ପ ପ୍ରଜାତି ତଥା ବିଷଧର ସର୍ପ ଏବଂ ସେମାନଙ୍କ ଦଂଶନରୁ କିପରି ମଣିଷ ସମାଜ ରକ୍ଷା ପାଇ ପାରିବ ଉପରେ ଛାତ୍ରଛାତ୍ରୀ ମାନଙ୍କୁ ବୁଝାଇଥିଲେ। ପିଲାଙ୍କ ଶିକ୍ଷା ଉପଯୋଗୀ ସର୍ପ ଦିବସ ପାଳନ ଅବସରରେ ସଚେତନାତା କାର୍ଯ୍ୟକ୍ରମ ଏକ ମହତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବାରୁ ପ୍ରାଣୀ କଲ୍ୟାଣ ମଂଚ ବୌଦ୍ଧକୁ ଭୁୟସୀ ପ୍ରଶଂସା କରିଥିଲେ ପ୍ରଧାନ ଶିକ୍ଷୟତ୍ରୀ ପଦ୍ମଜା ପତି।
Comments are closed.