ବୁର୍ଲା: ବୁର୍ଲା ବୀର ସୁରେନ୍ଦ୍ର ସାଏ ଆର୍ୟୁବିଜ୍ଞାନ ଓ ଗବେଷଣା ସଂସ୍ଥାନ (ଭିମସାର)ରେ ନିର୍ମାଣାଧୀନ ସୁପର ସ୍ପେଶିଆଲିଟି କୋଠାକୁ ତୁରନ୍ତ ସମ୍ପୂର୍ଣ୍ଣ କରି କାର୍ଯ୍ୟକ୍ଷମ କରିବା ପାଇଁ ମତପ୍ରକାଶ ପାଇଛି। ୨୦୧୭ ମସିହାରୁ ଏହି ବହୁ ପ୍ରତିକ୍ଷୀତ କୋଠାର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା। ପରେ କୋଭିଡ଼ ଯୋଗୁଁ ନିର୍ମାଣ କାର୍ଯ୍ୟ ପ୍ରଭାବିତ ହୋଇଥିଲେ ମଧ୍ୟ ଏହାକୁ ସମ୍ପୂର୍ଣ୍ଣ କରିବା ପାଇଁ ଧାର୍ଯ୍ୟ ଲକ୍ଷ୍ୟ ଆସନ୍ତା ଏପ୍ରିଲ ମାସକୁ ରଖାଯାଇଛି। ୧୫୦ କୋଟି ଟଙ୍କା ବ୍ୟୟ ଅଟ୍ଟକଳରୁ ଏହି ପ୍ରକଳ୍ପ ପାଇଁ ୮୦ କୋଟି ଟଙ୍କାର ନିର୍ମାଣ ଓ ୭୦ କୋଟି ଟଙ୍କା ଚିକିତ୍ସା ଉପକରଣ ପାଇଁ ଖର୍ଚ୍ଚ କରାଯିବ। ଏମ୍ସ ଭୁବନେଶ୍ୱର ଏହି ସୁପର ସ୍ପେଶିଲିଏଟି ୟୁନିଟ୍ର ନୋଡ଼ାଲ କେନ୍ଦ୍ର ଭାବେ ତତ୍ତ୍ୱାବଧାରକ ହେବ ବୋଲି ପୂର୍ବରୁ ଧାର୍ଯ୍ୟ ହୋଇଥିଲା। ଏହି କୋଠାରେ ଗେଷ୍ଟ୍ରୋଏଣ୍ଟ୍ରୋଲୋଜି, ଏଣ୍ଡୋ କ୍ରିନୋଲୋଜି, କ୍ଲିନିକାଲ ହେମାଟୋଲୋଜି, ପେଡ଼ିଆଟ୍ରିକ୍ ସର୍ଜରୀ ପ୍ରଭୃତି ସୁପର ସ୍ପେଶିଆଲଟି ବିଭାଗମାନ ରହିବା ବ୍ୟବସ୍ତା ରହିଛି। ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହେଉ ନ ଥିବା ଏବଂ ବିଶେଷଜ୍ଞ ଡାକ୍ତର ଅବସ୍ଥାପିତ ହୋଇ ନ ପାରିବାରୁ ସୁପର ସ୍ପେଶାଲିଟି ବିଭାଗଗୁଡ଼ିକ କାର୍ଯ୍ୟକ୍ଷମ ହୋଇପାରୁ ନାହିଁ। ସୁପର ସ୍ପେଶାଲିଟି କୋଠାରେ ୬୦ଟି ଆଇସିୟୁ ୟୁନିଟ୍ ଓ ୧୮୦ଟି ସାଧାରଣ ଶଯ୍ୟା ରହିବା ବ୍ୟବସ୍ତା ରହିଛି। ଏସବୁ କାର୍ଯ୍ୟକାରୀ ହେଲେ ଭିମସାରରେ ସାଧାରଣ ଲୋକେ ମଧ୍ୟ ଉଚ୍ଚତର ଚିକିତ୍ସା ସେବା ପାଇ ପାରିବେ। ବର୍ତ୍ତମାନ ନିର୍ମାଣାଧାନୀ କୋଠାରେ ଲିଫଟ୍ ସଂଯୋଗ, ବିଦ୍ୟୁତ୍ ବ୍ୟବସ୍ଥା ଭଳି ବିଭିନ୍ନ ଆନୁସାଙ୍ଗିିକ କାର୍ଯ୍ୟ ସମ୍ପୂର୍ଣ୍ଣ ହୋଇଛି। କୋଠାର ବିଦ୍ୟୁତିକରଣ ପରେ ଏବେ ଶଯ୍ୟା ଓ ରୋଗୀ ସେବା ପାଇଁ ଆବଶ୍ୟକ ଆନୁଷାଙ୍ଗୀକ ଭିତ୍ତିଭୂମି କାର୍ଯ୍ୟ ଚାଲିଛି। ମାର୍ଚ୍ଚ ୩୧ ସୁଦ୍ଧା ପ୍ରକଳ୍ପ କାର୍ଯ୍ୟକାରୀ କରୁଥିବା ସଂସ୍ଥା ଭିମସାରକୁ ହସ୍ତାନ୍ତର କରିବ ବୋଲି ନୂଆ ତାରିଖ ଧାର୍ଯ୍ୟ ହୋଇଛି। ପରେ ଏଠାରେ ରୋଗୀ ସେବା ଆରମ୍ଭ ହେବ ବୋଲି ଭିମସାରର ଭାରପ୍ରାପ୍ତ ନିର୍ଦ୍ଦେଶକ ପ୍ରଫେସର ଭାବଗ୍ରାହୀ ରଥ କହିଛନ୍ତି।
Popular Categories
Previous article
Next article