କଣ୍ଟାବାଞ୍ଜି: କଣ୍ଟାବାଞ୍ଜି ମାରୱାଡି ୟୁଵା ମଞ୍ଚ କଣ୍ଟାବାଞ୍ଜି ଶାଖା ଏବଂ ବିକାଶ ଶାଖା ପକ୍ଷରୁ ସ୍ଥାନୀୟ ସୀତା ଭବନରେ ପୂର୍ବତନ ଅଧକ୍ଷ ଦୀପକ ଅଗ୍ରୱାଲଙ୍କ ସ୍ମୃତିରେ ରାୟପୁରର ବାଳ ଗୋପାଳ ଚିଲଡ୍ରେନ ହସ୍ପିଟାଲ ସହଯୋଗରେ ନିଶୁଳ୍କ ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଛି। ଶିବିର ଆରମ୍ଭ ହେବା ପୂର୍ବରୁ ଏନେଇ ଏକ ସଭା ଅନୁଷ୍ଠିତ ହୋଇଥିଲା। ସଭାରେ କଣ୍ଟାବାଞ୍ଜି ଶାଖା ଅଧ୍ୟକ୍ଷ ରାହୁଳ ସୋନି, ବିକାଶ ଶାଖା ଅଧ୍ୟକ୍ଷ ଆକାଶ ଜୈନ, ବବଲୁ ଅଗ୍ରୱାଲ, ହସ୍ପିଟାଲର ମୁଖ୍ୟ ଡାକ୍ତର ଅଶୋକ ଭଟ୍ଟର, ଡାକ୍ତର ପ୍ରଶାନ୍ତ କେଡ଼ିଆ ପ୍ରମୁଖ ମଂଚାସୀନ ଥିଲେ। ଏହି ଶିବିରରେ ହସ୍ପିଟାଲର ୩୫ ଜଣିଆ ଟିମ ଆସିଥିବା ବେଳେ ୧୨ ରୁ ଅଧିକ ବିଭିନ୍ନ ପ୍ରକାର ଶିଶୁ ରୋଗ ବିଶେଷଜ୍ଞ ଡାକ୍ତର ଯୋଗ ଦେଇ ଶିଶୁ ମାନଙ୍କ ଉପରେ ଦେଖାଯାଇଥିବା ରୋଗ ଉପରେ ଚିକିତ୍ସା କରି ଉଚିତ ପରାମର୍ଶ ଦେଇଥିଲେ।
Comments are closed.