ଜାତୀୟ ଟାଏକୋଣ୍ଡୋ ପ୍ରତିଯୋଗିତାରେ କାଂସ୍ୟ ଜିତି ଗୌରବ ଆଣିଲେ ଦୀପିକା

ଫୁଲବାଣୀ:  କନ୍ଧମାଳ ଜିଲ୍ଲା ଟାଏକୋଣ୍ଡୋ ସଙ୍ଘ ଏବଂ ଫୁଲବାଣୀ ମାର୍ଶଲ ଆର୍ଟ୍ସ ଏକାଡେମୀର ଦୀପିକା ବୁରୁୟୁଲି ଜାତୀୟ ଟାଏକୋଣ୍ଡୋ ପ୍ରତିଯୋଗିତାରେ କାଂସ୍ୟ ପଦକ ଜିତି ଜିଲା ପାଇଁ ଗୌରବ ଆଣିଛନ୍ତି। ଉତ୍ତରପ୍ରଦେଶର ଆଗ୍ରାଠାରେ ଆୟୋଜିତ ୪୧ ତମ ଜାତୀୟ ଟାଏକୋଣ୍ଡୋ ପ୍ରତିଯୋଗିତାର ଜୁନିଅର ବାଳିକା ବିଭାଗରେ ସେ ଭାଗନେଇଥିଲେ। ଦୀପିକାଙ୍କୁ କୋଚ ରମାକାନ୍ତ ବେହେରା, ପ୍ରୀତମ ପ୍ରଧାନ ଓ ମଦନ ଦଳବେହେରା ଏବଂ  ଜିଲ୍ଲା ସଙ୍ଘ ସଭାପତି ପ୍ରତାପ କୁମାର ମୁଖୀ, ସମ୍ପାଦକ ପ୍ରଭାତ କୁମାର ସାହୁ ଓ ରାଜ୍ୟ ସଙ୍ଘ ସମ୍ପାଦକ ମନମୋହନ ଭଞ୍ଜ ପ୍ରମୁଖ ଶୁଭେଚ୍ଛା ଏବଂ ଅଭିନନ୍ଦନ ଜଣାଇଛନ୍ତି। ଏହି ସଫଳତା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଜ୍ଞାପନ କରାଯାଇଛି।