ନୂଆପଡ଼ା: ସୁନାବେଡ଼ା ଅଭୟାରଣ୍ୟ କଟିଙ୍ଗପାଣି ଗାଁ ଗୋଧସପଡ଼ାରେ ଏକ କଲରାପତରିଆ ବାଘ ଜଣେ ୮ ବର୍ଷର ପୁଅକୁ ଝାମ୍ପି ନେଇଥିବା ଜଣାପଡ଼ିଛି। ଘର ପାଖରେ ଖେଳୁଥିବାବେଳେ ନାବାଳକକୁ କଲରାପତରିଆ ବାଘ ଝାମ୍ପି ନେଇ ନିକଟସ୍ଥ ଜଙ୍ଗଲକୁ ଚାଲି ଯାଇଥିଲା। ନୂଆପଡ଼ା ଜିଲା ସୁନାବେଡ଼ା ଅଭୟାରଣ୍ୟ କଟିଙ୍ଗପାଣି ଗାଁ ଗୋଧସପଡ଼ାରେ ଏହି ଅଘଟଣ ଘଟିଛି।
ଖବର ପାଇ ବନ ବିଭାଗ ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ବନ ବିଭାଗ କର୍ମଚାରୀମାନେ ବାଘ ପାଦକୁ ଅନୁସରଣ କରି ନିକଟସ୍ଥ ଜଙ୍ଗଲରେ ଖୋଜାଖୋଜି କରିଥିଲେ। ଜଙ୍ଗଲର ଏକ ସ୍ଥାନରୁ କ୍ଷତବିକ୍ଷତ ଅବସ୍ଥାରେ ନାବାଳକର ମୃତଦେହକୁ ବନବିଭାଗ କର୍ମଚାରୀ ଉଦ୍ଧାର କରିଥିଲେ। ଏହି ଘଟଣାକୁ ନେଇ ଗାଁରେ ଚାପା ଉତ୍ତେଜନା ଦେଖା ଦେଇଛି।
Comments are closed.