ନୀଳଗିରି: ବାଲେଶ୍ୱର ଜିଲା ନୀଳଗିରି ଥାନା ଅଧୀନ ଗୋପୀନାଥପୁର ଗାଁର ମହେଶ୍ୱର ବେହେରାଙ୍କ ପରିବାର ଘରେ ନଥିବା ସମୟରେ ଗତ ସେପ୍ଟେମ୍ବର ୨୪ରାତି ପ୍ରାୟ ୮ଟା ସମୟରେ ତାଙ୍କର ସମ୍ପର୍କୀୟ ପୁତୁରା ଘରେ ପଶି ଆଲମାରୀରୁ ଲକ୍ଷାଧିକ ଟଙ୍କାର ସ୍ୱର୍ଣ୍ଣଅଳଙ୍କାର ଓ ନଗଦ ୩ହଜାର ଟଙ୍କା ଚୋରି କରିଥିଲା।
ଚୋରି କରିଥିବା ଏହି ସ୍ୱର୍ଣ୍ଣଅଳଙ୍କାରକୁ ନୀଳଗିରିସ୍ଥିତି ଆଇଆଇଏଫ୍ଏଲ ନାମକ ଏକ ଫାଇନାନ୍ସ ସଂସ୍ଥାରେ ବନ୍ଧକ ରଖି ୪୦ହଜାର ଟଙ୍କା ଆଣିଥିଲା। ଏପରିକି ଏହି ଚୋରି କାର୍ଯ୍ୟରେ ବରିସାହିର ତଥା ନୀଳଗିରି ଗୁଣ୍ଡିଚା ବଜାରରେ ଚାଓମିନ ଦୋକାନି ସହଯୋଗ କରିଥିଲା । ଏନେଇ ନୀଳଗିରି ଏସଡିପିଓ ସରୋଜ ଉପାଧ୍ୟାୟଙ୍କ ତତ୍ତ୍ୱାବଧାନରେ ଏକ ସ୍ୱତନ୍ତ୍ର ଟିମ ଗଠନ କରାଯାଇ ଅଭିଯୁକ୍ତଙ୍କଠାରୁ ୩ହଳ କାନଫୁଲ, ଗୋଟିଏ ସୁନାହାର, ରୂପା ପାଉଁଜି ଏବଂ ୪୦ହଜାର ଟଙ୍କା ଜବତ କରାଯାଇଛି ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ବାଲେଶ୍ୱର ଏସ୍ପି ରାଜ୍ ପ୍ରସାଦ ସୂଚନା ଦେଇଥିଲେ।
ସେହିଭଳି ଜୁଲାଇ ୨ତାରିଖରେ ଉକ୍ତ ଗାଁର ମନ୍ଦାକିନି ବେହେରାଙ୍କ ଘରୁ ହୋଇଥିବା ଚୋରି ଘଟଣାରେ ଅଭିଯୁକ୍ତ ସହିତ ୨ଜଣ ନାବାଳକ ସମ୍ପୃକ୍ତ ଥିଲେ । ଉକ୍ତ ଘଟଣାରେ ୨ବାଳ ଅପରାଧିଙ୍କୁ ପୁଲିସ ଅଟକ ରଖି ତଦନ୍ତ କରୁଥିବା ବେଳେ ସେମାନଙ୍କଠାରୁ ଚୋରି ହୋଇଥିବା ବିଭିନ୍ନ ସାମଗ୍ରୀ ଜବତ କରାଯାଇଛି । ଏହି ସିରିଜ ଚୋରି ଘଟଣାରେ ଏସ୍ଡିପିଓ ଶ୍ରୀ ଉପାଧ୍ୟାୟଙ୍କ ସମେତ ଆଇଆଇସି ଗୋପାଳ ଚନ୍ଦ୍ର କର୍ଣ୍ଣ, ସବ୍ଇନ୍ସପେକ୍ଟର ସୁବର୍ଣ୍ଣ ବେହେରା, ଦିଲୀପ ସେନାପତି, ଏଏସଆଇ ଅନନ୍ତ ମୁର୍ମୁ ପ୍ରମୁଖ ତଦନ୍ତ କରୁଥିଲେ ।
Comments are closed.