ନୀଳଗିରି: ବାହାଘରର ଦୁଇ ଦିନ ପୂର୍ବରୁ ଚାଲିଗଲା ଯୁବକଙ୍କ ଜୀବନ। ବାଲେଶ୍ୱର ଜିଲା ନୀଳଗିରିରେ ଏଭଳି ଅଭାବନୀୟ ଘଟଣା ଘଟିଛି। ବନ୍ଧୁଙ୍କୁ ଆଣିବାକୁ ଷ୍ଟେସନ ଗଲା ବେଳେ ଧକ୍କା ଦେଲା ଡମ୍ପର । ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଗୋବରା ଗାଁର ହରେକୃଷ୍ଣ ମହାଳିକ ବୋଲି ଜଣାପଡିଛି। ଶୁକ୍ରବାର ହରେକୃଷ୍ଣଙ୍କର ବିବାହ ହୋଇଥାନ୍ତା। ସେ ଓ ତାଙ୍କ ପୁତୁରା ଜ୍ୟୋତିଶଙ୍କର ଏକ କାର ଯୋଗେ ସେରଗଡ଼ ଅଞ୍ଚଳକୁ ତାଙ୍କ ଭାଇ ଭଉଣୀଙ୍କୁ ଆଣିବାକୁ ଯାଉଥିଲେ। ଅପରପକ୍ଷରୁ ଦ୍ରୁତ ଗତିରେ ଆସୁଥିବା ଡମ୍ଫରଟି କାରକୁ ଧକ୍କା ଦେବାରୁ ଦୁର୍ଘଟଣା ସ୍ଥଳରେ ହରେକୃଷ୍ଣଙ୍କ ମୃତ୍ୟୁ ଘଟିଥିବା ବେଳେ ଜ୍ୟୋତିଙ୍କୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରା ଯାଇଛି। ଉତ୍ୟକ୍ତ ଲୋକେ ବାଲିଗୋହିରି ଛକରେ ରାସ୍ତାରୋକ କରିଛନ୍ତି। ନୀଳଗିରି ଏସଡିପିଓ ପ୍ରମୋଦ ମଲିକ, ଆଇଆଇସି ଗୋବର୍ଦ୍ଧନ ନାୟକ ପ୍ରମୁଖ ସେଠାରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରୁଛନ୍ତି।
Popular Categories
Previous article
Next article