ନବରଙ୍ଗପୁର: ଲଗାଣ ବର୍ଷା ଫଳରେ ତେନ୍ତୁଳୀଖୁଣ୍ଟି ଗ୍ରାମର ନୂଆ ସାହିରେ ରହୁଥିବା ଏକ ପୁରୁଣା ଚାଳଘର ସମ୍ପୂର୍ଣ ଭାଙ୍ଗି ମାଟିରେ ମିଶିଯାଇଛି। ଅଭାବ ଓ ଅନଟନରେ ରହୁଥିବା ଉକ୍ତ ପରିବାରର ମୁଖ୍ୟ ଜୋସେଫ ସୁନା ଜଣେ ଅକ୍ଷମ ଏବଂ ଭିନ୍ନକ୍ଷମ। ତାଙ୍କ ପରିବାର କହିଲେ ସ୍ତ୍ରୀ ରୀନା ଏବଂ ୩ ଟି ଝିଅ ସହ ସରକାରଙ୍କ ଭତା ବାବଦରେ ମିଳୁଥିବା ୭ଶହ ଟଙ୍କା ଏବଂ ୨୦ କେଜି ଚାଉଳ ପାଉଥିବା ବେଳେ ସ୍ତ୍ରୀ ରୀନା ବାହାରେ କୁଲି କମ କରି ଦୁଇ ପଇସା ରେ କଷ୍ଟେ ମଷ୍ଟେ ଚଳି ଆସୁଥିଲେ। କିନ୍ତୁ ଚଳିତ ବର୍ଷା ସେମାନଙ୍କ ଉପରେ ଦାଉ ସାଧିଲା । ବର୍ଷାରେ ଘର ସମ୍ପୂର୍ଣ ଭାଂଗିଯିବା ପରେ ପ୍ରଶାସନ ତରଫରୁ ଖଣ୍ଡିଏ ପଲିଥିନ ଦେଇ କାମ ସାରିଦେଲା । ଏପଟେ ବର୍ଷା ଯୋଗୁଁ ୫ ପ୍ରାଣୀ ମୁଣ୍ଡ ଗୁଞ୍ଜିବାକୁ ଖଣ୍ଡେ ଜାଗା ନଥିବା ଯୋଗୁଁ ବହୁ କଷ୍ଟରେ ଚଳୁଥିବା ଏହି ଅସହାୟ ପରିବାରକୁ ସହାୟତାର ହାତ ବଡ଼ାଇଲା କୋଷଗୁମୁଡ଼ା ବ୍ଲକର ସାଇଁଣ୍ଟ ସିମନ ଟ୍ରଷ୍ଟ ଏନଜିଓ ସଂସ୍ଥା।
ସଂସ୍ଥାର ପ୍ରତିଷ୍ଠାତା ହିମାଂଶୁ ଶେଖର ବାଘ, ସେ ଆଜି ତେନ୍ତୁଳୀଖୁଣ୍ଟି ଯାଇ ଅସହାୟ ପରିବାର କୁ ଭେଟି ଗୋଟିଏ ବସ୍ତା ଚାଉଳ, ଡାଲି, ସୋୟାବିନ, ତେଲ, ଆଳୁ, ସୁଜି, ବିସ୍କୁଟ, ହଳଦୀ ଗୁଣ୍ଡ, ମସଲା ଗୁଣ୍ଡ ଏବଂ ସାବୁନ ଆଦି ପ୍ରଦାନ କରି ମହାନତା ଦେଖାଇଥିବା ବେଳେ ଏହି ଅସହାୟ ପରିବାରକୁ ରହିବା ପାଇଁ ପ୍ରଶାସନ ତରଫରୁ ଏକ ଗୃହ ଯୋଗାଇଦେବା ପାଇଁ ସାଧାରଣରେ ଦାବି ହେଉଛି ରେ
