ଲଡୁଗାଁ: କଳାହାଣ୍ଡି ଜିଲ୍ଲା କୋକସରା ୨୬ ନମ୍ବର ଜାତୀୟ ରାଜପଥ କୋକସରା ଧାନ ମଣ୍ଡି ନିକଟରେ ମଙ୍ଗଳବାର ବିଳମ୍ବିତ ରାତିରେ ଦୁଇଟି ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ୨ ଜଣ ବାଇକ୍ ଆରୋହୀ ଗୁରୁତର ହୋଇଛନ୍ତି। କୋକସରା ନିକଟସ୍ଥ ଚିଲିଗୁଡ଼ା ଗ୍ରାମର ଡିଙ୍ଗର ଗହୀର (୩୨) କୋକସରା ପଟକୁ ଆସୁଥିଲେ। ଏହି ସମୟରେ ବିପରୀତ ଦିଗରୁ ଡୁଡୁକାଠେଙ୍ଗାର ବାଲାଜୀ ଗୋପାଳ (୨୫) ଅନ୍ୟ ଏକ ବାଇକରେ ଆସୁଥିବା ବେଳେ ଉକ୍ତ ସ୍ଥାନରେ ଉଭୟ ବାଇକ୍ ମଧ୍ୟରେ ଧକ୍କା ହୋଇଥିଲା। ଏଥିରେ ଦୁଇଜଣ ଗୁରୁତର ହୋଇଥିବା ବେଳେ କୋକସରା ଅଗ୍ନିସମ ବିଭାଗ କର୍ମଚାରୀ ସମେତ ସ୍ଥାନୀୟ ଯୁବକମାନେ କୋକସରା ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ବିଳମ୍ବିତ ରାତିରେ ଆମ୍ବୁଲାନ୍ସ ସେବା ନ ପାଇବାରୁ ଦୁଇ ଗୁରୁତରଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନେବାରେ ବହୁ ଅସୁବିଧାର ସମ୍ମୁଖୀନ ହୋଇଥିବା ବେଳେ ଶେଷରେ ଏକ ଘରୋଇ ବୋଲେରୋ ସାହାଯ୍ୟରେ ଗୁରୁତରଙ୍କୁ ନିଆଯାଇଥିଲା।
Comments are closed.