ଫୁଲବାଣୀ: କନ୍ଧମାଳ ଜିଲ୍ଲାରେ କିଛିଦିନ ହେଲା ବାଇକ ଚୋରି ବୃଦ୍ଧି ପାଇବାରେ ଲାଗିଥିଲା। ଏହାର ତଦନ୍ତ କରି ଶେଷରେ ଫିରିଙ୍ଗିଆ ପୋଲିସ ବିଭିନ୍ନ ଜାଗାରୁ ଆଠଟି ବାଇକକୁ ଜବତ କରିବା ସହ ଏହି ଚୋରି ମାମଲାରେ ସମ୍ପୃକି ଥିବା ଅଭିଯୋଗରେ ତିନି ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଥିବା ବେଳେ ଏହି ଗ୍ୟାଙ୍ଗର ମୁଖ୍ୟ ଅଭିଯୁକ୍ତ ସହ ଦୁଇଜଣ ଅଭିଯୁକ୍ତ ଫେରାର ଥିବା ପୋଲିସ ସୂଚନା ଦେଇଛି। ତେବେ ଜବତ ହୋଇଥିବା ଆଠଟି ବାଇକ ମଧ୍ୟରୁ ଛଅଟି ବାଇକ ଚୋରି ବାଇକ ବୋଲି ସ୍ପଷ୍ଟ ପ୍ରମାଣିତ ହୋଇଥିବା ବେଳେ ଅନ୍ୟ ତିନୋଟି ବାଇକ ଚୋରି ବାଇକ ହୋଇଥିବା ସନ୍ଦେହ କରି ଜବତ କରାଯାଇଥିବା ପୋଲିସ ସୂଚନା ଦେଇଛି। ଅନ୍ୟପଟେ ଗିରଫ ଅଭିଯୁକ୍ତ ମାନଙ୍କ ମଧ୍ୟରେ ଫିରିଙ୍ଗିଆ ଥାନା ତରଙ୍ଗ ଗାଁର ସୌଭାଗ୍ୟବାନ ବେହେରା ଓ ସଂଜୀବ ବିଶ୍ଵରଂଜନ କହଁର ବୋଲି ଜଣା ପଡିଥିବା ବେଳେ ରତଙ୍ଗ ପଞ୍ଚାୟତ ଡାମି ଗାଁର ହରିଚନ୍ଦନ କହଁର ବୋଲି ଜଣାପଡିଛି। ଅନ୍ୟପଟେ ଗୁରୁବାର ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ତପନ କୁମାର ନାହାକ ସୂଚନା ଦେଇଛନ୍ତି।
Comments are closed.