ନୂଆଦିଲ୍ଲୀ : ଭାରତୀୟ ରେଳବାଇ ଆସନ୍ତା ୧୦ ଦିନ ମଧ୍ୟରେ ଦେଶରେ ଆଉ ୨୬୦୦ ଶ୍ରମିକ ସ୍ପେଶାଲ୍ ଟ୍ରେନ୍ ଚଳାଇବ । ଏହି ଟ୍ରେନ୍ଗୁଡ଼ିକର ଚଳାଚଳ ପରେ ୩୬ଲକ୍ଷ ଲୋକ ସେମାନଙ୍କର ନିଜ ନିଜର ଘରେ ପହଞ୍ଚି ପାରିବେ । ରେଳବାଇ ପକ୍ଷରୁ ଗତ ପହିଲାରୁ ଶ୍ରମିକ ସ୍ପେଶାଲ୍ ଟ୍ରେନ୍ ଗୁଡ଼ିକର ଚଳାଚଳ ଆରମ୍ଭ କରାଯାଇଛି । ଏହି ଟ୍ରେନ୍ଗୁଡ଼ିକରେ ସ୍ଥାନାନ୍ତରିତ ଶ୍ରମିକ,ତୀର୍ଥଯାତ୍ରୀ, ବିଭିନ୍ନ ସ୍ଥାନରେ ଅଟକି ରହିଥିବା ପର୍ଯ୍ୟଟକ, ଛାତ୍ରଛାତ୍ରୀ ଓ ଅନ୍ୟ ଲୋକମାନେ ନିଜ ନିଜର ଘରକୁ ଫେରୁଛନ୍ତି।
Indian Railways to operationalise 2600 More Shramik Special Trains in next 10 days.The decision is going to benefit around 36 lakhs stranded migrants.Indian Railways has run 2600 Shramik Special Trains in last 23 days.https://t.co/Aeh4QrHogZ#IndiaFightsCorona pic.twitter.com/GphzRrXAjm
— Ministry of Railways (@RailMinIndia) May 23, 2020
ଦୁଇଟି ରାଜ୍ୟ ମଧ୍ୟରେ ସହମତି ସୃଷ୍ଟି ହେବା ପରେ ରେଳବାଇ ସମ୍ପୃକ୍ତ ରାଜ୍ୟଗୁଡ଼ିକ ମଧ୍ୟରେ ଟ୍ରେନ୍ ଚଳାଚଳ ପାଇଁ ବ୍ୟବସ୍ଥା କରୁଛି । ଏହି ଟ୍ରେନ୍ଗୁଡ଼ିକର ଚଳାଚଳ ପାଇଁ ରେଳବାଇ ଓ ରାଜ୍ୟ ସରକାରମାନେ ନୋଡାଲ୍ ଅଫିସରମାନଙ୍କୁ ନିଯୁକ୍ତ କରିଛନ୍ତି । ରେଳବାଇ ବୋର୍ଡ ଚେୟାରମ୍ୟାନ୍ ବିନୋଦ କୁମାର ଯାଦବ କହିଛନ୍ତି, ଶ୍ରମିକ ସ୍ପେଶାଲ୍ ଟ୍ରେନ୍ଗୁଡ଼ିକର ସୂଚାରୁରୂପେ ଚଳାଚଳ ପାଇଁ ସମନ୍ୱୟ ରକ୍ଷା ଦିଗରେ ଅଫିସରମାନେ କାର୍ଯ୍ୟ କରୁଛନ୍ତି । ଗତ ୨୩ ଦିନ ମଧ୍ୟରେ ରେଳବାଇ ୨୬୦୦ ଶ୍ରମିକ ସ୍ପେଶାଲ୍ ଟ୍ରେନ୍ ଚଳାଇ ୩୬ଲକ୍ଷ ଲୋକଙ୍କୁ ସେମାନଙ୍କର ଘରେ ପହଞ୍ଚାଇଛି । ଶ୍ରମିକ ସ୍ପେଶାଲ୍ ଟ୍ରେନ୍ଗୁଡ଼ିକ ବ୍ୟତୀତ ରେଳବାଇ ଗତ ୧୨ ତାରିଖରୁ ୧୫ ଯୋଡ଼ା ସ୍ୱତନ୍ତ୍ର ଟ୍ରେନ୍ର ଚଳାଚଳ ଆରମ୍ଭ କରିଛି । ଆସନ୍ତା ମାସ ପହିଲାରୁ ୨୦୦ ଟ୍ରେନ୍ ଚଳାଚଳ କରାଯିବା ବିଷୟରେ ରେଳବାଇ ଘୋଷଣା କରିଛି ।
