ଜାତୀୟ କ୍ରୀଡ଼ା: ଓଡ଼ିଶା ମହିଳା ବିଚ୍‌ ଭଲିବଲ ଦଳ ବିଜୟୀ

କଟକ: ଉତ୍ତରାଖଣ୍ଡର ଡେରାଡୁନ୍‌ରେ ଚାଲିଥିବା ଜାତୀୟ କ୍ରୀଡ଼ାରେ ଓଡ଼ିଶା ମହିଳା ବିଚ୍‌ ଭଲିବଲ ଦଳ ବିଜୟ ସହ ଅଭିଯାନ ଆରମ୍ଭ କରିଛି। ଓଡ଼ିଶା ଦଳ ୨-୦ରେ ଆୟୋଜକ ଦଳ ଉତ୍ତରାଖଣ୍ଡକୁ ପରାସ୍ତ କରିଛି। ଏହି ଇଭେଣ୍ଟର ଫାଇନାଲ ମ୍ୟାଚ୍‌ ୬ରେ ଖେଳାଯିବ। ସୂଚନାଯୋଗ୍ୟ; ଓଡ଼ିଶା ମହିଳା ବିଚ୍‌ ଭଲିବଲ ଦଳରେ କିଟ୍‌ ବିଶ୍ବବିଦ୍ୟାଳୟ ଦଳର ୨ ଜଣ ଛାତ୍ରୀ ସ୍ଥାନ ପାଇଛନ୍ତି।

ସେମାନେ ହେଲେ ଶିବାନୀ ପ୍ରିୟଦର୍ଶିନୀ ଓ ମୁଣ୍ଡାରୀ। ସଂଗୀତ ଟପ୍ପୋ ଦଳର ପ୍ରଶିକ୍ଷକ ଅଛନ୍ତି। ଦଳର ସଫଳତା ପରେ ଓଡ଼ିଶା ଭଲିବଲ୍‌ ଆସୋସିଏସନ୍‌ର ସଭାପତି ତଥା କିଟ୍ ଓ କିସ୍‌ର ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ଏବଂ ଆସୋସିଏସନ୍‌ର ସମ୍ପାଦକ ଡ. ଗଗନେନ୍ଦୁ ଦାସଙ୍କୁ ସେମାନଙ୍କ ସମର୍ଥନ ପାଇଁ ଓଡ଼ିଶା ଦଳର ଖେଳାଳି ଧନ୍ୟବାଦ ଜଣାଇଛନ୍ତି। ଏହାସହ ଡ. ଅଚ୍ୟୁତ ସାମନ୍ତ ଆଗାମୀ ମ୍ୟାଚ୍‌ଗୁଡ଼ିକରେ ଓଡ଼ିଶା ଦଳର ସଫଳତା କାମନା କରିଛନ୍ତି।