ନୂଆଦିଲ୍ଲୀ: ବିଭିନ୍ନ ୱେବସାଇଟ୍ରେ ତାଙ୍କର ସ୍ବାସ୍ଥ୍ୟାବସ୍ଥା ସମ୍ପର୍କରେ ମିଥ୍ୟା ଓ ଭିତ୍ତିହୀନ ସମ୍ବାଦ ପରିବେଷଣ କରାଯାଉଥିବା ପ୍ରତିବାଦରେ ଅମିତାଭ ବଚ୍ଚନଙ୍କ ନାତୁଣୀ ତଥା ଅଭିଷେକ-ଐଶ୍ଵର୍ଯ୍ୟା ବଚ୍ଚନଙ୍କ କନ୍ୟା ଆରାଧ୍ୟା ଇତିମଧ୍ୟରେ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଏର କରିଛନ୍ତି। ସୋମବାର ମାମଲାର ଶୁଣାଣି କରାଯାଇଥିବାବେଳେ ବିଶ୍ବର ସର୍ବବୃହତ ସର୍ଚ୍ଚ ଇଞ୍ଜିନ ଗୁଗ୍ଲକୁ ନୋଟିସ ଇସ୍ୟୁ କରାଯାଇଛି। ସୂଚନାଯୋଗ୍ୟ ଆରାଧ୍ୟା ୨୦୨୩ରେ ଏଭଳି ଏକ ପିଟିସନ ଦାଏର କରିଥିଲେ। ସେତେବେଳେ ହାଇକୋର୍ଟ ଏହାର ଶୁଣାଣି କରି ଏଭଳି ବିଭ୍ରାନ୍ତିକର ଭିଡିଓଗୁଡିକୁ ତୁରନ୍ତ ଡିଲିଟ୍ କରିବାକୁ ସର୍ଚ୍ଚ ଇଞ୍ଜିନ ଗୁଗ୍ଲକୁ ନିର୍ଦେଶ ଦେଇଥିଲେ। ୧୩ ବର୍ଷୀୟ ଆରାଧ୍ୟା ଗୁରୁତର ଅସୁସ୍ଥ ଅଛନ୍ତି ବୋଲି ଏହି ଭିଡିଓରେ ପ୍ରସାର କରାଯାଉଛି। ଏପରିକି କେତେକ ୱେବସାଇଟ ଆଉ ପାଦେ ଆଗେଇ ଯାଇ ଆରାଧ୍ୟାଙ୍କର ପ୍ରାଣହାନି ଘଟିସାରିଛି ଏବଂ ବଚ୍ଚନ ପରିବାର ପକ୍ଷରୁ ଏହାକୁ ଗୋପନ ରଖାଯାଇଛି ବୋଲି ଅପପ୍ରଚାର କରିିଥିଲେ।
ଅନଲାଇନରେ ମିଥ୍ୟା ଭିଡିଓ ଅପଲୋଡ ପ୍ରସଙ୍ଗ: ହାଇକୋର୍ଟଙ୍କ ଦ୍ବାରସ୍ଥ ହେଲେ ଆରାଧ୍ୟା ବଚ୍ଚନ
Popular Categories
Previous article
Next article