ଭୁବନେଶ୍ବର: ସାରା ଦେଶରେ ସ୍ୱାଧୀନତାର ୭୫ ବର୍ଷ ପୂରଣ ଉପଲକ୍ଷେ ଅମୃତ ମହୋତ୍ସବ ପାଳିତ ହେଉଛି। ସୋମବାର ସ୍ୱାଧୀନତା ଦିବସ ଅବସରରେ ଭୁବନେଶ୍ୱର ନିକଟ ଉତ୍ତରା ଛକ ଠାରେ ‘ଶକୁନ୍ତଳା ଆର୍ଟ ଗ୍ୟାଲେରୀ’ ଉଦଘାଟିତ ହୋଇଯାଇଛି। ଉଦଘାଟନ ଉତ୍ସବରେ ପିପିଲି ବିଧାୟକ ରୁଦ୍ର ପ୍ରତାପ ମହାରଥୀ ମୁଖ୍ୟଅତିଥି ଭାବେ ଯୋଗଦେଇ ‘ଶକୁନ୍ତଳା ଆର୍ଟ ଗ୍ୟାଲେରୀ’କୁ ଉଦ୍ଘାଟନ କରିଥିଲେ। କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଦିଲ୍ଲୀ ଲଳିତ କଳା ଏକାଡେମୀର ସଚିବ ରାମକୃଷ୍ଣ ବେଦାଲା ଯୋଗ ଦେଇଥିବାବେଳେ ଧର୍ମପଦ ପୁରସ୍କାର ପ୍ରାପ୍ତ ଶିଳ୍ପୀ ବିନୋଦ ମହାରଣା ଅନ୍ୟତମ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ଉଦଘାଟନୀ ଉତ୍ସବ ଅବସରରେ ଦିଲ୍ଲୀ ଲଳିତ କଳା ଏକାଡେମୀ ଓ ଶକୁନ୍ତଳା ଆର୍ଟ ଗ୍ୟାଲେରୀ ସହଭାଗିତାରେରେ ଏକ ଜାତୀୟ ଚିତ୍ରକଳା ପ୍ରଦର୍ଶନୀ ଆୟୋଜନ କରାଯାଇଥିଲା ।
ଏହି ପ୍ରଦର୍ଶନୀ ରେ ମୀନକେତନ ପଟ୍ଟନାୟକ, ପ୍ରଦୋଷ ସ୍ୱାଇଁ, ପ୍ରଦୀପ ପାଣ୍ଡେ, ରାଜେଶ ନାୟକ, ରାଜକିଶୋର ମହାରଣା, ପ୍ରଜେଶ ମହାପାତ୍ର, ସ୍ଥିତଧୀ ରଥ, ସନ୍ତୋଷ ମହାରଣା, ଅତସୀ ବସୁ ଜେନା, ଜ୍ଞାନେଶ ମିଶ୍ର, ନିତ୍ୟାନନ୍ଦ ସାହୁ, ମମତା ସାମନ୍ତରାୟ, ନିବେଦିତା ପଟ୍ଟନାୟକ, ଲିପିଶ୍ରୀ ନାୟକ, ରବି ଚେଟି, ଜେ.ଏମ. ପଟ୍ଟନାୟକ, ସଞ୍ଜୟ କେତନ, ମନୋଜ ମହାନ୍ତି, ଅଶୋକ କୁମାର ବେହେରା, ବିଶ୍ୱମୋହନ ରଥ, ସ୍ୱୟଂସୁଧା ପଟ୍ଟନାୟକ, ନମିତା ସାହୁ ଏବଂ ରାଜନନ୍ଦିନୀ ମହାପାତ୍ର ଭଳି ପ୍ରତିଷ୍ଠିତ ୨୬ ଜଣ ଜାତୀୟ ସ୍ତରୀୟ ଚିତ୍ରଶିଳ୍ପୀ ଯୋଗଦାନ କରିଥିଲେ । ଏହିପ୍ରଦର୍ଶନୀ ସାତଦିନ ଧରି ଚାଲିବ ଏବଂ ଦର୍ଶକ ମାନଙ୍କ ପାଇଁ ଏହା ପୂର୍ବାହ୍ନ ୧୧ଟାରୁ ସନ୍ଧ୍ୟା ୭ଟା ପାଇଁ ପର୍ଯନ୍ତ ଖୋଲା ରହିବ ବୋଲି ଗ୍ୟାଲେରୀ ର ନିର୍ଦେଶକ ଜନାର୍ଦନ ପରାମଗୁରୁ ପ୍ରକାଶ କରିଛନ୍ତି ।
