ଡେସ୍କ: ରାଜ୍ୟର ଅଧିକାଂଶ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ଗତ ୨ ଦିନ ହେବ ବର୍ଷା ପରିମାଣ ହ୍ରାସ ପାଇଥିବାରୁ ଆଜି ହୀରାକୁଦର ୮ଟି ଗେଟ ବନ୍ଦ କରାଯାଇଛି। ସୂଚନା ଅନୁଯାୟୀ, ଏବେ ୩୨ ଗେଟ ମଧ୍ୟ ଦେଇ ବନ୍ୟା ଜଳ ନିଷ୍କାସନ କରାଯାଉଛି। ଜଳଭଣ୍ଡାରରେ ଏବେ ଜଳସ୍ଥର ୬୨୩.୯୧ ଫୁଟ ରହିଛି। ହୀରାକୁଦର ଡାହାଣ ପାର୍ଶ୍ୱରେ ୮ଟି ଏବଂ ବାମ ପାର୍ଶ୍ୱରେ ୨୪ଟି ଗେଟ ଖୋଲା ରହିଛି।
ଜଳଭଣ୍ଡାର ମଧ୍ୟକୁ ୪ ଲକ୍ଷ ୨୪ ହଜାର ୭୮୬ କ୍ୟୁସେକ ଜଳ ପ୍ରବେଶ କରୁଥିବା ବେଳେ ୫ ଲକ୍ଷ ୪୫ ହଜାର ୪୭୧ କ୍ୟୁସେକ ଜଳ ନିଷ୍କାସିତ ହେଉଛି।
